«دۋمان» شاعىن اۋدانىندا جالپى ۇزىندىعى 14 شاقىرىم اۋىز سۋمەن قامتۋ جانە كارىز جەلىلەرىن سالۋ بويىنشا مەملەكەتتىك ساراپتامانىڭ وڭ قورىتىندىلارى الىندى. بۇل تۋرالى مەدەۋ اۋدانى تۇرعىندارىمەن كەزدەسكەن مەگوپوليس اكىمى ە.دوسايەۆ ايتتى، دەپ حابارلايدى اlmaty-akshamy.kz.
ال «سۇلۋساي» شاعىن اۋدانىنىڭ تۇرعىندارىن اۋىز سۋمەن تولىقتاۋ قامتاماسىز ەتۋ ءۇشىن 2 سكۆاجينا قۇرىلىسىنا مەملەكەتتىك ساراپتاما رۇقسات بەرگەن. دەمەك، جالپى ۇزىندىعى 16،9 شاقىرىم سۋمەن قامتۋ جانە كارىز جەلىلەرىن سالۋ جۇمىستارى دا قولعا الىنادى.
«دۋمان» شاعىن اۋدانىنداعى قۇرىلىس-مونتاجداۋ جۇمىستارى وسى جىلدىڭ قازان ايىندا باستالماق. ال «سۇلۋساي» شاعىن اۋدانىندا سكۆاجينالار قۇرىلىسى وسى جىلدىڭ قاراشا ايىندا كونكۋرستىق راسىمدەر وتكىزىلگەننەن كەيىن قولعا الىنادى دەپ كۇتىلۋدە. جەلىلەردىڭ قۇرىلىسى 2024 جىلى باستالادى.
ايتۋ كەرەك، «الاتاۋ» جانە مالايا ستانيسا شاعىن اۋدانىندارىندا (32 كوشە) سۋمەن قامتۋ جانە كارىز جەلىلەرىن سالۋ بويىنشا ساراپتاما قورىتىندىسى وسى جىلدىڭ جەلتوقسان ايىندا شىعادى دەپ كۇتىلۋدە.