قازاقستاندىق سايگۇلىك قابيرحان جۇلدە قورى 12 ميلليون دوللاردى قۇرايتىن Dubai World Cup 2024 جارىسىندا ب ا ق سىنادى.
بايگەگە بارلىعى 12 سايگۇلىك قاتىستى. قابيرحان يرلانديالىق جوكەي پاتريك دوببسپەن بىرگە التىنشى نومىردە جارىس جولىنا شىقتى. قازاقستاندىق سايگۇلىك 2000 مەتر قاشىقتىقتى 2 مينۋت 5 سەكۋندتا باعىندىرىپ، مارە سىزىعىن سەگىزىنشى بولىپ كەستى. بۇل ناتيجە ءۇشىن 120 مىڭ دوللار بەرىلەدى، دەپ حابارلايدى Almaty-akshamy.kz.
ال مارەگە لاۋرەل ريۆەر اتتى تۇلپار ءبىرىنشى بولىپ كەلدى. ەسكە سالايىق، قابيرحان 12 قاڭتاردا دۋبايداعى "مەيدان" يپپودرومىندا وتكەن بايگەدە جەڭىسكە جەتكەن ەدى. كەيىن ول 26 قاڭتاردا دۋبايداعى Al Maktoum Challenge (1-توپ) جارىسىندا جەڭىمپاز اتانىپ، 1 ميلليون دوللار يەلەندى. سونداي-اق قازاقستاندىق سايگۇلىكتىڭ Dubai World Cup جارىسىنا قاتىساتىنى بەلگىلى بولدى.