ق ر قارۋلى كۇشتەرى اۋە قورعانىسى كۇشتەرى تىكۇشاقتارىنىڭ ەكيپاجدارى جەرگىلىكتى حالىقتى قۇتقارۋعا، ازىق-تۇلىك، جىلى كيىمدەر مەن ءبىرىنشى كەزەكتە قاجەتتى زاتتاردى جەتكىزۋدى جالعاستىرۋدا.
قۇتقارۋ جۇمىستارى اقتوبە، قوستاناي جانە اباي وبلىستارىندا جۇرگىزىلىپ جاتىر، دەپ حابارلايدى Almaty-akshamy.kz.
30 ناۋرىزدا اسكەري ۇشقىشتار 38 مارتە ۇشتى.
جالپى ۇشۋعا 15 ساعاتتان استام ۋاقىت كەتتى. وسى ارالىقتا 222 ادام ەۆاكۋاسيالاندى.
تابيعي اپات اۋداندارىنا سالماعى مىڭ كەلى اپاتتان قۇتقارۋ مۇلكى مەن توتەنشە جاعدايلار قىزمەتىنىڭ 19 مامانى جەتكىزىلدى.
ەۆاكۋاسيالىق پۋنكتتەرگە 10 توننا كولەمىندە گۋمانيتارلىق كومەك جەتكىزىلىپ، ءتۇسىرىلدى.
اۋە قورعانىسى كۇشتەرىنىڭ جەكە قۇرامى تاۋلىك بويى ەكسترەمالدى جاعدايدا جۇمىس ىستەۋدە.
قازىرگى ۋاقىتتا قۇتقارۋ شارالارىنا 7 تىكۇشاق جۇمىلدىرىلعان.