ديەتولوگ دۋباي شوكولادىنىڭ كۆينكە ءىسىنۋىن تۋدىرۋى مۇمكىن ەكەنىن ەسكەرتتى، دەپ حابارلايدى aqshamnews.kz
«بىرەۋدىڭ قاڭسىعى – بىرەۋگە تاڭسىق». الەۋمەتتىك جەلى ارقىلى تاراپ جاتقان ترەندتەردىڭ سوڭىنان كەيىنگى كەزدە ىلەسۋدىڭ ءوزى مۇمكىن ەمەس. سونداي ترەندتەردىڭ ءبىرى، بۇكىل الەم بوپ دۋباي شوكولادىن جەۋ ءسانى. ترەندتەن قالمايىن دەپ تىراشتانىپ جاتقاندا ونىڭ دەنساۋلىق ءۇشىن زياندى بولۋى مۇمكىن ەكەنىن ەشكىم ويلانا قويمايتىن سىڭايلى. باعاسى دا قالتاعا ەداۋىر سالماق تۇسىرەتىن بۇل ءتاتتىنىڭ دەنساۋلىققا دا كەلتىرەر سالماعى شاش ەتەكتەن ەكەن. اللەرگياسى بار ادامدارعا بۇل ءونىمدى ابايلاپ جەگەن ابزال. سەبەبى دۋباي شوكولادىن جەگەننەن كەيىن مۇنداي ادامداردا اللەرگيالىق رەاكسيا كۇشەيىپ، كۆينكە ىسىنۋىنە اكەلۋى مۇمكىن. بۇل تۋرالى رەسەيلىك مامان، مەديسينا عىلىمدارىنىڭ كانديداتى، ديەتولوگ ريمما مويسەنكو ەسكەرتتى.
«كوفە، كاكاو جانە جاڭعاقتار - ەڭ كۇشتى اللەرگەندەر. بۇلاردان بولەك، شوكولادتا اللەرگيا تۋدىراتىن تاعى ءبىر ءونىم - ءسۇت كومپونەنتتەرى بولسا، ول اللەرگياعا بەيىم ادام ءۇشىن قارسى «بومبالىق كۇشكە» اينالادى، بۇل كەم دەگەندە كۆينكەنىڭ اۋىر ءىسىنۋىن نەمەسە اللەرگيالىق رەاكسيانىڭ باسقا ءتۇرىن تۋدىرادى»، – دەپ اتاپ ءوتتى مويسەنكو.
ديەتولوگ دۋباي شوكولادىنىڭ ءوزى جانە ونىڭ ينگرەديەنتتەرى ادامدار ءۇشىن ءقاۋىپتى ەمەس، قۇرامىندا زياندى زاتتار جوق ەكەنىن اتاپ ءوتتى. بار بولعانى، قۇرامىندا كاكاو بۇرشاقتارىنان باسقا ەشتەڭە جوق پليتكا شوكولاد پەن جاڭعاقتاردىڭ بارلىق تۇرلەرىمەن تولتىرىلعان شوكولادتىڭ اراسىندا ايىرماشىلىق بار. كوپتەگەن ادامدار ءۇشىن بۇل ءونىم كۇشتى اللەرگەن بولىپ تابىلادى.
PhD دوكتورى دۋباي برەندىندە شوكولاد ساتۋعا ارنالعان بارلىق رۇقسات قۇجاتتارى بولۋى كەرەك ەكەنىن ايتتى. جاپسىرمادا نەگىزگى ينگرەديەنتتەر جازىلعان، ءبىراق كوپتەگەن كومپونەنتتەر اراب تىلىندە جازىلعاندىقتان، قاپتامانى وقۋعا ءمان بەرمەيدى. ءونىم قۇرامىنا قوسىلاتىن باسقا قۇرامىنا كەلەتىن بولساق، ولار كوبىنەسە مۇلدەم جازىلمايدى دا.
ءبىر اي بۇرىن، 21 قازاندا ءبىرقاتار Telegram ارنالارى مەن بۇقارالىق اقپارات قۇرالدارى ماسكەۋدە دۋباي شوكولادىن جەگەن بويدا كۆينكە ىسىنۋىنە ۇشىراعان قىز تۋرالى جارىسا جازعان بولاتىن. زارداپ شەككەن ادامنىڭ اللەرگياسى شوكولادتى ءبىر تىستەگەننەن كەيىن-اق باستالعان.