دەنساۋلىق ساقتاۋ مينيسترلىگى 2027 جىلعا قاراي ءمامس پاكەتىنە مەديسينالىق-سانيتاريالىق العاشقى مەديسينالىق كومەك (مساك) قىزمەتتەرىن قوسۋدى كوزدەيتىن ءبىرىڭعاي پاكەتكە كەزەڭ-كەزەڭمەن كوشۋدى ۇسىنادى.
الەمنىڭ دامىعان ەلدەرىنىڭ پراكتيكاسىندا، سونداي-اق الەۋمەتتىك مەديسينالىق ساقتاندىرۋدى ەنگىزگەن كەڭەستىكتەن كەيىنگى كەڭىستىك ەلدەرىندە مساك قىزمەتتەرى ساقتاندىرۋ پاكەتىنە كىرەدى.
بۇل رەتتە مامس-تەگى ساقتاندىرۋ مارتەبەسىنە قاراماستان بارلىق ازاماتتار ءۇشىن مەملەكەتتىڭ تەگىن كەپىلدىكتەرى (تمككك) مەديسينالىق كومەكتىڭ مىناداي تۇرلەرىنە ساقتالادى:
- جەدەل جاردەم؛
- بارلىق ينفەكسيالىق اۋرۋلاردى دياگنوستيكالاۋ جانە ەمدەۋ؛
-ازاماتتاردىڭ دەنساۋلىعىنا ەڭ كوپ زيان كەلتىرەتىن الەۋمەتتىك ءمانى بار اۋرۋلار (تۋبەركۋلەز، پسيحيكالىق، مىنەز-قۇلىق بۇزىلىستارى، ايتۆ، ونكولوگيا، سوزىلمالى گەپاتيتتەر مەن باۋىر سيرروزى، ورفاندىق اۋرۋلار، جەدەل ميوكارد ينفاركتىسى، ينسۋلت) كەزىندە دياگنوستيكا، ەمدەۋ، دارى-دارمەكپەن قامتاماسىز ەتۋ، ستاسيونارلىق جانە ستاسيوناردى الماستىراتىن كومەك؛
- ومىرگە ءقاۋىپ توندىرەتىن جاعدايلاردا شۇعىل ستاسيونارلىق كومەك؛
- پاللياتيۆتىك كومەك؛
- قان پرەپاراتتارىمەن قامتاماسىز ەتۋ.
ۇسىنىلىپ وتىرعان مەديسينالىق كومەكتىڭ ءبىرىڭعاي پاكەتىن ەنگىزۋ مىناداي وڭ وزگەرىستەرگە اكەلەدى. بۇل تمككك جانە ءمامس شەكارالارىنىڭ ايقىندىلىعى، قىزمەتتەردىڭ قايتالانۋىنسىز، الەۋمەتتىك ءمانى بار اۋرۋلارعا كۇدىك تۋىنداعان كەزدە زەرتتەپ-قاراۋلاردىڭ قولجەتىمدىلىگى جانە ءمامس مارتەبەسىنە قاراماستان ونكوسكرينينگتەردەن ءوتۋ، ناقتى شىعىندارعا سايكەس تاريفتەردىڭ ءوسۋى.
ساقتاندىرۋ مودەلىندە مەملەكەت بالالار، جۇكتى ايەلدەر، زەينەتكەرلەر، ستۋدەنتتەر، جۇمىسسىزدار، مۇگەدەكتىگى بار ادامدار جانە حالىقتىڭ باسقا دا ساناتتارى كىرەتىن جەڭىلدىكتەردىڭ 15 ساناتى ءۇشىن جارنالاردى ەنگىزۋدى جالعاستىراتىنىن ايتا كەتۋ كەرەك. سوندىقتان اتالعان الەۋمەتتىك وسال ساناتتار، ال ولار 11،9 ملن-نان استام قازاقستاندىقتى قۇرايدى، مەملەكەت قورعاعان جانە ولارعا بارلىق دەڭگەيدەگى مەديسينالىق كومەككە، ونىڭ ىشىندە مساك قىزمەتتەرىنە قولجەتىمدىلىك قامتاماسىز ەتىلەتىن بولادى.
ءمامس جۇيەسىندە ساقتاندىرىلعان ەڭبەككە قابىلەتتى جاستاعى ازاماتتار، بۇل 5 ملن. ادام، سونداي-اق مەديسينالىق كومەككە قولجەتىمدىلىكتى تولىق كولەمدە ساقتايدى.
بۇدان باسقا، الەۋمەتتىك ءال-اۋقاتتىڭ داعدارىستىق (د) جانە شۇعىل (ە) دەڭگەيلەرىنە جاتاتىن، ياعني تابىسى تومەن 1 ملن-نان استام ەڭبەككە قابىلەتتى جاستاعى ازاماتتار 2026 جىلدان باستاپ ءمامس جۇيەسىندە ساقتاندىرىلعانداردىڭ قاتارىنا جەرگىلىكتى اتقارۋشى ورگانداردىڭ ەسەبىنەن كىرەدى جانە ءمامس پاكەتىندە قوسىمشا مەديسينالىق كومەكتى كەدەرگىسىز الا الادى.
ەڭبەكمينى وتباسىنىڭ سيفرلىق كارتاسىنا سايكەس ا، ۆ، س ساناتىنا جاتاتىن، جەتكىلىكتى تابىسى بار قالعان ساناتتار مەديسينالىق كومەك الۋ ءۇشىن دەربەس ساقتاندىرىلۋى ءتيىس.
وسى ساناتتاعى ازاماتتاردى ءمامس جۇيەسىنە ەنگىزۋ ناتيجەسىندە الەۋمەتتىك ءمانى بار اۋرۋلارى بار ادامدار توبىنداعى ساقتاندىرۋ دەڭگەيى 93%-عا دەيىن ارتادى.
مساك ءقازىردىڭ وزىندە ساقتاندىرۋ پاكەتتەرىنە ەنگىزىلگەن حالىقارالىق پراكتيكالار ماڭىزدى مىسال بولىپ تابىلادى. مىسالى، نەگىزگى مەملەكەتتىك مەديسينالىق كومەكتىڭ ءبىرىڭعاي پاكەتى مىنالاردى قامتيدى:
رەسەيدە - سانيتاريالىق اۆياسيا، ايتۆ/جيتس، جىنىستىق جولمەن بەرىلەتىن ينفەكسيالار، تۋبەركۋلەز جانە پسيحيكالىق اۋرۋلار؛
ەستونيادا - جەدەل مەديسينالىق كومەك، ايتۆ/جيتس، ينفەكسيالار، تۋبەركۋلەز جانە پسيحيكالىق اۋرۋلار؛
ليتۆادا - تەك كەزەك كۇتتىرمەيتىن مەديسينالىق كومەك؛
گەرمانيا مەن نيدەرلاندىدا - تەك مەيىرگەرلىك كۇتىم.
قازاقستان ءوز كەزەگىندە بازالىق مەملەكەتتىك مەديسينالىق كومەكتىڭ ءبىرىڭعاي پاكەتىنە شەت ەلدەردەگى قىزمەتتەردەن ەداۋىر اساتىن قىزمەتتەردى ەنگىزدى.
وسىلايشا، حالىقتى مەديسينالىق ساقتاندىرۋمەن قامتۋدى ۇلعايتۋ بويىنشا قابىلدانعان شارالار، مەملەكەتتىڭ حالىقتىڭ جەڭىلدىكتى ساناتىن ساقتاندىرۋ جونىندەگى مىندەتتەمەلەرى مەديسينالىق كومەكتىڭ، ونىڭ ىشىندە مساك كورسەتۋدىڭ قولجەتىمسىزدىگى قاۋىپتەرىن بارىنشا ازايتادى.
بۇل نورمالار «مىندەتتى الەۋمەتتىك مەديسينالىق ساقتاندىرۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى شەڭبەرىندە جۇرتشىلىقتى تالقىلاۋ ءۇشىن اشىق نقا پورتالىندا جاريالاندى.