ازاماتتاردىڭ جەدەل جاردەمنىڭ كەلۋىنىڭ كەشىگۋى تۋرالى كوپتەگەن وتىنىشتەرىنە جاۋاپ رەتىندە ق ر دەنساۋلىق ساقتاۋ مينيسترلىگى تالداۋ جۇرگىزىپ، جاعدايدى جاقسارتۋ ءۇشىن شەشىمدەر ۇسىندى، دەپ حابارلايدى aqshamnews.kz.
تالداۋ ناتيجەلەرى شاقىرتۋلاردىڭ 50%-دان استامى شۇعىلدىقتىڭ ءتورتىنشى ساناتىنا جاتاتىنىن كورسەتتى، بۇل ەمحانالاردى قوسا العاندا، مەديسينالىق-سانيتاريالىق العاشقى كومەك ۇيىمدارىنىڭ (مساك) باقىلاۋىنداعى سوزىلمالى اۋرۋلارى بار پاسيەنتتەرگە قىزمەت كورسەتۋدى بىلدىرەدى.
وسىعان بايلانىستى مينيسترلىك مەديسينالىق-سانيتاريالىق العاشقى كومەك كورسەتۋ ستاندارتىنا جانە جەدەل مەديسينالىق كومەك كورسەتۋ قاعيدالارىنا وزگەرىستەر جوباسىن ازىرلەدى. وزگەرىستەر كەيبىر ب ا ق دۇرىس جەتكىزبەگەندەي، ۇيدە قىزمەت كورسەتۋدى توقتاتۋدى بىلدىرمەيدى، كەرىسىنشە مەديسينالىق قىزمەتتەردىڭ قولجەتىمدىلىگى مەن ساپاسىن جاقسارتۋعا باعىتتالعان.
دارىگەردى ۇيگە شاقىرتۋلاردى تىركەۋگە جانە ۇيدەگى ستاسيونارلاردى ۇيىمداستىرۋعا قاتىستى تارماقتار قۇجاتتىڭ قۇرىلىمىن جاقسارتۋ ءۇشىن جوبانىڭ باسقا بولىمىنە اۋىستىرىلدى، ءبىراق ولار كۇشىندە قالادى. مساك-تىڭ مەديسينا قىزمەتكەرلەرى الدىڭعى ستاندارتتىڭ شەڭبەرىندە ۇيدە كومەك كورسەتۋدى جالعاستىرادى.
دەنساۋلىق ساقتاۋ مينيسترلىگى قىزمەت كورسەتۋ ساپاسى مەن ازاماتتاردىڭ قاناعاتتانۋشىلىعىن ارتتىرۋ ءۇشىن مەديسينالىق كومەك كورسەتۋ جۇيەسىن جەتىلدىرۋ بويىنشا جۇمىستى جالعاستىرادى.