الەكسەي سوي ەپيدەميولوگيالىق احۋالعا بايلانىستى ويىن جەتكىزدى
بۇل تۋرالى فەيسبۋكتەگى پاراقشاسىندا جازدى، دەپ حابارلايدى Almaty-akshamy.kz. 24.kz-كە سىلتەمە جاساپ.
ەلدە "دەلتا" شتامىنىڭ بەلسەندى تارالۋى مەن ۆاكسينالاۋدىڭ قازىرگى قارقىنىن ەسكەرسەك، پەسسيميستىك سەناريي بويىنشا شىلدە مەن قىركۇيەك ايلارىندا شامامەن 400 مىڭ ادام ۆيرۋس جۇقتىرۋى مۇمكىن. بۇل ورتاشا ەسەپپەن تامىز ايىندا تاۋلىگىنە 6 مىڭ جاعدايدان جوعارى بولماق. دەنساۋلىق ساقتاۋ ءمينيسترى الەكسەي سوي ەپيدەميولوگيالىق جاعدايعا قاتىستى وسىنداي جاڭا بولجام جاريالادى. ال ەكىنشى، رەاليستىك سەناريي بويىنشا وسى ارالىقتا شامامەن 355 مىڭ ادامنىڭ اعزاسىنان جۇقپالى اۋرۋ بەلگىسى انىقتالۋى ىقتيمال. ياعني ورتاشا ەسەپپەن تامىز ايىندا تاۋلىگىنە 5،3 مىڭ جاعدايدان جوعارى. ال وپتيميستىك سەناريي بويىنشا الداعى 3 ايدا 330 مىڭعا جۋىق ادامنىڭ پتر تەستىلەۋى وڭ ناتيجە كورسەتەدى. ياعني ورتا ەسەپپەن تاۋلىگىنە 5 مىڭعا جۋىق ادام ۆيرۋس جۇقتىرۋى مۇمكىن.