جەرلەسىمىز بيىكتەردى باعىندىرۋدا
ايگىلى UFC-دە ارەكەت ەتەتىن، برازيليالىق مما جەكپە-جەك شەبەرى گيلبەرت بەرنس «Ushataika» You tube ارناسىنا بەرگەن سۇحباتىندا قازاقستاندىق فايتەر شاۆكات راحمونوۆ تۋرالى ءوز ويىن ايتتى، دەپ حابارلايدى Almaty-akshamy.kz Sports.kz-كە سىلتەمە جاساپ.
«مەن ونىڭ الەۋەتى تۋرالى نە ويلايمىن؟ ءبىز ونىڭ جەكپە-جەگىنە دايىندالىپ، بىرگە جاتتىقتىق. ول وتە جاس، تالانتتى جانە بولاشاعى زور. ءبىز بىرگە كەرەمەت جاتتىعۋلاردى وتكىزدىك. ول ديۆيزياداعى ەڭ ۇزدىك جاۋىنگەرلەردىڭ توپ-5-كە كىرە الا ما؟ ارينە، ول ءۇشىن وعان قاجەت نارسەنىڭ ءبارى بار. مەنىڭ ويىمشا، ەگەر ول ءبارىن ساۋاتتى جاساسا، چەمپيون بولۋعا مۇمكىندىگى بار. بۇل وڭاي جۇمىس ەمەس، ءبىراق، مەنىڭ ويىمشا، ول ونى جەڭە الادى»، - دەدى بەرنس.