جامبىل وبلىسى شۋ اۋدانىنداعى انا ءولىمى فاكتىسى بويىنشا دەنساۋلىق ساقتاۋ مينيسترلىگىنىڭ مەديسينالىق جانە فارماسيەۆتيكالىق باقىلاۋ كوميتەتى شۋ اۋدانىنىڭ ەمحاناسى مەن اۋدانارالىق ورتالىق اۋرۋحاناسىنا قاتىستى تاۋەلسىز ساراپشىلاردى تارتا وتىرىپ، تەكسەرۋدى باستادى.
تەكسەرۋ جۇرگىزۋ كەزەڭىندە شۋ اۋدانىنىڭ اۋدانارالىق ورتالىق اۋرۋحاناسىنىڭ باس دارىگەرى مەن پەرزەنتحانا بولىمشەسىنىڭ مەڭگەرۋشىسى اتقاراتىن لاۋازىمدارىنان شەتتەتىلدى، دەپ حابارلايدى aqshamnews.kz
جامبىل وبلىسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى ە. مۇسابايەۆ تارتىپتىك جاۋاپكەرشىلىككە تارتىلىپ، قاتاڭ سوگىس شىعارىلدى.
مەديسينالىق كومەك كورسەتۋدىڭ ستاندارتتارى مەن قاعيدالارىن بۇزۋعا جول بەرگەن باسقا ادامدارعا قاتىستى دا جۇمىستان شىعارۋعا دەيىن تارتىپتىك سيپاتتاعى شارالار قابىلداناتىن بولادى.
دەنساۋلىق ساقتاۋ ءمينيسترى جامبىل وبلىسىنىڭ اكىمىمەن وڭىرلىك بوساندىرۋ قىزمەتى جۇمىسىنىڭ ساپاسىن جاقسارتۋ جونىندەگى ءىس-قيمىل جوسپارىن تالقىلادى.
جامبىل وبلىسىندا مەديسينالىق كومەك كورسەتۋدى ۇيىمداستىرۋدى جەتىلدىرۋ ماقساتىندا ۆەدومستۆو باسشىسى تاراز قالاسىندا ۆيسە-مينيستر ە.نۇرلىبايەۆتىڭ توراعالىعىمەن انا مەن بالا دەنساۋلىعىن ساقتاۋ جونىندەگى ۇيلەستىرۋ كەڭەسىنىڭ كوشپەلى وتىرىسىن وتكىزۋدى تاپسىردى، ونىڭ شەڭبەرىندە مەديسينالىق كومەكتىڭ قولجەتىمدىلىگى مەن ساپاسىن جاقسارتۋ بويىنشا جەدەل شارالار ازىرلەۋ جوسپارلانۋدا.
دەنساۋلىق ساقتاۋ مينيسترلىگىنىڭ كوميسسياسى مەديسينالىق كومەك كورسەتۋ ستاندارتتارىن بۇزۋشىلىقتاردى جويۋ ماقساتىندا جامبىل وبلىسىنىڭ بارلىق بوساندىرۋ ۇيىمدارىنا مونيتورينگ جۇرگىزۋگە باستاماشىلىق جاسادى.
بۇدان باسقا، شۋ كوپبەيىندى ورتالىق اۋرۋحاناسىنىڭ پەرزەنتحانا بولىمشەسىنىڭ توسەكتەرىن اكۋشەرلىك-گينەكولوگيالىق كومەك كورسەتۋدى وڭىرلەندىرۋدىڭ II دەڭگەيىنە سايكەس كەلەتىن اۋداندىق ورتالىق اۋرۋحانا دەڭگەيىنە اۋىستىرۋ جوسپارلانۋدا.