ۇلتتىق قۇرىلتايدىڭ وتكەن ءتورتىنشى وتىرىسىندا مەملەكەت باسشىسى قاسىم-جومارت توقايەۆ ماڭىزدى تاقىرىپتى، ياعني وزىق تەحنولوگيالاردى، ونىڭ ىشىندە جاساندى ينتەللەكت نەگىزىندەگى جاڭا قۇرالداردى ەنگىزۋدى تاعى دا كوتەرگەن بولاتىن. ق ر ەڭبەك جانە حالىقتى الەۋمەتتىك قورعاۋ مينيسترلىگى وسى باعىتتا بەلسەندى جۇمىس جۇرگىزۋدە.
جي قازاقستاندىقتار ءۇشىن بوس جۇمىس ورىندارىن تاڭداۋ كەزىندە كومەكشى بولادى، مەديسينالىق دەرەكتەر نەگىزىندە سىرتتاي كۋالاندىرۋ كەزىندە مۇگەدەكتىك توبىن ۇسىنادى، سونداي-اق بايلانىس ورتالىعىنا وتىنىشتەردى تالدايدى، دەپ حابارلايدى aqshamnews.kz.
«مەن جاپپاي سيفرلاندىرۋ مەن جاساندى ينتەللەكتىنى بارلىق سالاعا كەڭىنەن ەنگىزۋ ماسەلەسىنە ۇنەمى نازار اۋدارامىن. ءقازىر قاي ەلدىڭ جاڭا تەحنولوگيالاردى ءوز پايداسىنا جاراتا الاتىنى، قاي ەلدىڭ كوش سوڭىندا قالاتىنى انىقتالىپ جاتقان شەشۋشى كەزەڭگە قادام باستىق.
ەكونوميكانىڭ بارلىق سالاسى جانە ەڭبەك نارىعى جاساندى ينتەللەكتىنىڭ تىكەلەي قاتىسۋىمەن تۇبەگەيلى وزگەرىپ جاتىر. ادامزات تىرشىلىگىنىڭ ءمانى مەن قالىبى باسقاشا سيپات الىپ بارادى»، – دەپ اتاپ وتكەن ەدى قاسىم-جومارت توقايەۆ.
وسى ورايدا ەڭبەكمينى الەۋمەتتىك-ەڭبەك سالاسىن سيفرلاندىرۋ بويىنشا بەلسەندى جۇمىس جۇرگىزۋدە. بۇگىنگى تاڭدا 50-گ جۋىق مەملەكەتتىك قىزمەتتىڭ 45ء-ى ەلەكتروندىق فورماتتا كورسەتىلەدى، ونىڭ ىشىندە ولاردىڭ 28ء-ى پرواكتيۆتى. زاماناۋي سيفرلىق قۇرالدار، سونىڭ ىشىندە جي قىزمەتتەردىڭ تيىمدىلىگى مەن جەكەلەندىرىلۋىن ارتتىرادى. باسقا مەملەكەتتىك ورگانداردىڭ اقپاراتتىق جۇيەلەرىمەن ينتەگراسيا جاساۋ الەۋمەتتىك-ەكونوميكالىق مىندەتتەردى كەشەندى شەشۋگە جانە ورنىقتى دامۋعا ىقپال ەتەدى.
وسىلايشا، «Enbek» سيفرلىق ەكوجۇيەسى قازاقستاندىقتارعا جۇمىسپەن قامتۋ سالاسىندا كاسىپتىك باعدارلاۋدان باستاپ جۇمىسقا ورنالاسۋعا دەيىنگى قىزمەتتەردىڭ كەڭ كولەمىن ۇسىنادى.
ەلەكتروندىق ەڭبەك بيرجاسىنىڭ پورتالىندا كۇتىلەتىن جالاقى، تۇرعىلىقتى ايماق جانە كاسىبي داعدىلار سياقتى پارامەترلەردى ەسكەرىپ، بار ۇسىنىستاردى تاڭداي وتىرىپ، تۇيىندەمەلەر مەن بوس جۇمىس ورىندارىن تالدايتىن جي مودەلى قولدانىلادى. بيىل بوس جۇمىس ورىندارىن اۆتوماتتى تۇردە ىرىكتەۋ بويىنشا مۇمكىندىكتەر كەڭەيتىلەتىن بولادى، بۇل جۇمىس ىزدەۋدى 90% - عا جەدەلدەتۋگە مۇمكىندىك بەرەدى.
مەملەكەتتىك ينۆەستيسيالاردىڭ تيىمدىلىگىن جانە جوسپارلاۋ ساپاسىن ارتتىرۋعا ارنالعان يننوۆاسيالىق جوبالار ناۆيگاتورى ىسكە قوسىلدى. پورتالدىڭ فۋنكسيونالى كادرلىق قاجەتتىلىكتەردى تالداۋ مەن بولجاۋدى، سونداي-اق جوبالارعا مونيتورينگ پەن باقىلاۋدى قامتاماسىز ەتەدى. بۇگىندە وندا 1 مىڭنان استام ينۆەستيسيالىق جوبا بويىنشا دەرەكتەر بىرىكتىرىلگەن.
بۇدان باسقا بيىل كادرلارعا قاجەتتىلىكتى بولجاۋعا، وقىتۋ باعدارلامالارىن ەڭبەك نارىعىنىڭ ناقتى سۇرانىستارىنا بەيىمدەۋگە جانە ەڭبەك رەسۋرستارىن باسقارۋدىڭ تيىمدىلىگىن ارتتىرۋعا كومەكتەسەتىن «ادام رەسۋرستارىن باسقارۋ» سيفرلىق پلاتفورماسىن قۇرۋ جوسپارلانۋدا.
«Enbek» سيفرلىق ەكوجۇيەسىنە قاتىستى سۇراقتار مەن ۇسىنىستار بولعان جاعدايدا، پايدالانۋشىلاردىڭ الەۋمەتتىك-ەڭبەك سالاسى ماسەلەلەرى جونىندەگى بايلانىس ورتالىعىنىڭ چاتىنا جازباشا ءوتىنىش قالدىرۋ مۇمكىندىگى بار. وسى جىلى مۇنداي وتىنىشتەردى باستاپقى وڭدەۋدىڭ جىلدامدىعى مەن تيىمدىلىگىن ارتتىرۋ ءۇشىن ينتەللەكتۋالدى چات-بوت ىسكە قوسىلادى. ول وپەراتورلاردىڭ جۇكتەمەسىن ازايتادى جانە ءوتىنىش بەرۋشىلەرگە تاۋلىك بويى قولداۋ كورسەتەدى.
سونداي-اق، وتباسىنىڭ سيفرلىق كارتاسىن جەتىلدىرۋ جالعاسۋدا، وتكەن جىلدىڭ قىركۇيەك ايىنان باستاپ ورتالىق مەملەكەتتىك جانە جەرگىلىكتى اتقارۋشى ورگاندارعا الەۋمەتتىك-ەكونوميكالىق دامۋ باعدارلامالارىن ازىرلەۋ ءۇشىن وڭىرلەردەگى جاعدايدى تالداۋ مۇمكىندىگى قولجەتىمدى بولدى. جۇرگىزىلگەن جۇمىستىڭ ارقاسىندا 237 مىڭ وتباسى قولداۋ شارالارى ەسەبىنەن داعدارىستى جانە مۇشكىل ساناتتاردان شىعارىلدى.
وسك-دا وتباسىلاردى ومىرلىك قيىن جاعدايدان شىعارۋ بويىنشا قولداۋ شارالارىن كورسەتۋ ءۇشىن جاساندى ينتەللەكت مۇمكىندىكتەرى قولدانىلادى. جاساندى ينتەللەكت بىرنەشە مينۋت ىشىندە ءال-اۋقات ساناتىنىڭ وزگەرۋىنە ىقپال ەتەتىن ماڭىزدى فاكتورلاردى انىقتايدى جانە ءار اۋدان ءۇشىن جەرگىلىكتى حالىقتى قولداۋ باعدارلاماسىن جاسايدى.
ۆەدومستۆو جۇمىسىنىڭ تاعى ءبىر ماڭىزدى اسپەكتىسى ءقاۋىپسىز جانە سالاۋاتتى ەڭبەك ورتاسىن قۇرۋ بولىپ تابىلادى. بۇل باعىتتاعى يننوۆاسيالىق شەشىم ەڭبەك تاۋەكەلدەرىنىڭ سيفرلىق كارتاسى بولدى – مۇمكىن بولاتىن ەڭبەك جانجالدارىنىڭ الدىن الۋعا جانە كاسىپورىندارداعى قىزمەتكەرلەردىڭ الەۋمەتتىك، ەڭبەك قۇقىقتارى مەن كەپىلدىكتەرىنىڭ ساقتالۋىن قامتاماسىز ەتۋگە ارنالعان قۇرال. بۇگىنگى تاڭدا ول ەكونوميكانىڭ بارلىق سەكتورلارىندا 92،1 مىڭنان استام كاسىپورىن تۋرالى دەرەكتەرگە مونيتورينگ جۇرگىزۋگە مۇمكىندىك بەرەدى، ولاردىڭ ءارقايسىسىندا 10-نان استام ادام جۇمىس ىستەيدى.
ماشينالىق وقىتۋ الگوريتمدەرى ارقىلى ەڭبەك تاۋەكەلدەرىنىڭ سيفرلىق كارتاسىندا جي-دى قولدانۋ جينالعان دەرەكتەردى تەرەڭ تالداۋعا مۇمكىندىك بەرەدى. وتكەن جىلى بۇل قۇرال 2،2 مىڭ كاسىپورىندا تاۋەكەلدەردى بولجاۋعا جانە شەشۋگە مۇمكىندىك بەردى، سونىڭ ارقاسىندا 63،4 مىڭ جۇمىسكەردىڭ قۇقىقتارى مەن مۇددەلەرى قورعالدى.
تاعى ءبىر ماڭىزدى كەزەڭ الەۋمەتتىك قىزمەت كورسەتۋ جۇيەسىن ترانسفورماسيالاۋ شەڭبەرىندە جۇرگىزىلەتىن ارناۋلى الەۋمەتتىك قىزمەتتەر كورسەتەتىن ۇيىمداردىڭ قىزمەتىن سيفرلاندىرۋ بولدى.
الەۋمەتتىك قىزمەتتەر پورتالى بەلسەندى دامىپ كەلەدى، بۇل ازاماتتارعا ءااق-عا ىڭعايلى جانە اشىق قول جەتكىزۋدى قامتاماسىز ەتەدى.
مۇگەدەكتىگى بار ادامداردىڭ وڭالتۋ الەۋەتىن باعالاۋ ءۇشىن وڭالتۋدىڭ سيفرلىق كۇندەلىگى ەنگىزىلەدى. ونى جۇزەگە اسىرۋ ءۇشىن قازىرگى زامانعى ماتەريالدىق-تەحنيكالىق بازامەن جابدىقتالعان قازىرگى زامانعى وڭالتۋ جانە ابيليتاسيا ورتالىقتارى قاجەت.
مەديسينالىق-الەۋمەتتىك ساراپتاما جۇرگىزۋدىڭ سىرتتاي فورماتى بويىنشا پيلوتتىق جوبانى ودان ءارى ىسكە اسىرۋ شەڭبەرىندە بيىل دەنساۋلىعىنان ايىرىلۋ دارەجەسىن اۆتوماتتى تۇردە ايقىنداۋ ءۇشىن جي قۇرالدارىن ەنگىزۋ جوسپارلانعان. جاساندى ينتەللەكت مەديسينالىق دەرەكتەردى تالداۋعا جانە مۇگەدەكتىك توبىن ۇسىنۋعا كومەكتەسەدى. بۇل پروسەستى تەزىرەك، وبەكتيۆتى جانە بارىنشا اشىق ەتەدى. ايتا كەتۋ كەرەك، جي ارقىلى مەديسينالىق دەرەكتەردى تالداۋ ۇسىنىمدىق سيپاتتا بولادى.
مەملەكەت باسشىسىنىڭ تاپسىرماسىنا سايكەس بارلىق ايتىلعان باعىتتار بويىنشا جۇمىس ۆەدومستۆو جۇمىسىنىڭ تيىمدىلىگى مەن اشىقتىعىن ارتتىراتىن سيفرلىق يننوۆاسيالىق شەشىمدەردى كەڭىنەن ەنگىزۋدى قامتاماسىز ەتە وتىرىپ، جالعاسادى.