بۇل تۋرالى دەنساۋلىق ساقتاۋ ءمينيسترى اجار عينيات بۇگىن وتكەن ۇكىمەت وتىرىسىندا مالىمدەدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
بەس وڭىردە: الماتى قالاسى، اتىراۋ، الماتى، ۇلىتاۋ، جەتىسۋ وبلىستارىندا جاڭا ونكولوگيا ورتالىقتارىن سالۋ جانە اقتوبە، قوستاناي وبلىستارى مەن شىمكەنت قالاسىندا راديولوگيالىق كورپۋس پەن وپەراسيالىق-رەانيماسيالىق كورپۋستاردى رەكونسترۋكسيالاۋ جوسپارلانىپ وتىر. سونداي-اق سوڭعى 3 جىلدا جاڭا ونكولوگيا ورتالىقتارى پايدالانۋعا بەرىلگەن ماڭعىستاۋ، پاۆلودار جانە جامبىل وبلىستارىن قوسپاعاندا، بارلىق وڭىرلەردە ونكولوگيا ورتالىقتارىنا كۇردەلى جوندەۋ جۇرگىزۋ كوزدەلگەن، - دەپ اتاپ ءوتتى ۆەدومستۆو باسشىسى.
سونىمەن قاتار پاللياتيۆتىك كومەك جانە وڭالتۋ باعىتى بويىنشا قولعا الىناتىن شارالارعا توقتالدى.
ونكولوگيالىق پاسيەنتتەرگە ارنالعان موبيلدىك بريگادالار جەلىسىن، ءينۆازيۆتى ەمەس جانە ءمورفينى بار دارىلىك زاتتار سپەكترىن، وڭالتۋ كومەگىن كەڭەيتۋ جانە دەنساۋلىق ساقتاۋ ماماندارىن پاسيەنتتەردى بىرتىندەپ اۋىرسىزداندىرۋ ادىستەمەسىنە وقىتۋ جونىندەگى ءىس-شارالار قاراستىرىلعان. ونكولوگيا بويىنشا رەزيدەنتۋرادا جىل سايىن كەمىندە 50، ساۋلەلىك تەراپيادا كەمىندە 10-12 ورىندار سانى ۇلعايتىلاتىن بولادى. مەديسينالىق ەمەس مامانداردىڭ (فيزيكتەر، دوزيمەتريستەر، حيميكتەر) دايارلاناتىن، بىلىكتىلىگى ارتتىرىلاتىن، ونىڭ ىشىندە الەمنىڭ جەتەكشى ونكولوگيا ورتالىقتارىندا وقىتىلاتىن بولادى. ۇلتتىق عىلىمي ونكولوگيا ورتالىعىنىڭ بازاسىندا 2025 جىلعا قاراي كلينيكاعا دەيىنگى زەرتتەۋلەر مەن ىسىك گەنومى زەرتحانالارى قۇرىلادى، - دەدى اجار عينيات.