"دوستىق" ستانسياسىندا جۇك تيەۋ تەرمينالىنىڭ ەكىنشى بولىگى ىسكە قوسىلدى

قىتايمەن اراداعى شەكارادا ورنالاسقان "دوستىق" ستانسياسىندا جۇك تيەۋ تەرمينالىنىڭ ەكىنشى بولىگى ىسكە قوسىلدى.

ينفراقۇرىلىمدىق نىساننىڭ قۇرىلىسىنا 9 ملرد تەڭگەدەن استام ينۆەستيسيا تارتىلعان. "دوستىق" ستانسياسىنداعى جۇك تيەيتىن كەشەن جىلىنا 160 مىڭنان 320 مىڭ كونتەينەرگە دەيىن وتكىزەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

جاڭا نىسان قىتايدان قازاقستان ارقىلى ەۋروپا، ورتالىق ازيا جانە پارسى شىعاناعى ەلدەرىنە تاسىمالداۋ جىلدامدىعىن دا ارتتىرادى. تاعى ءبىر ايتا كەتەرلىگى، مۇندا جولدار نەگىزگى ماگيسترالدان تىس ورنالاسقان. سوندىقتان بۇل ترانسشەكارالىق تەمىرجول تورابىن بوساتۋعا مۇمكىندىك بەرەدى. ايتا كەتەيىك، باتىس گەرمانياعا اسپان استى ەلىنە تۇرمىستىق تەحنيكا تيەلگەن پويىز جونەلتىلدى.

"مۇنداي ۇلكەن ينفراقۇرىلىمدىق جوبالار، ەڭ الدىمەن، ءبىزدىڭ ەلدىڭ كولىك الەۋەتىن كەڭەيتۋگە سەپتىگىن تيگىزەدى. قىتايدان ەۋروپاعا جانە كەرىسىنشە تاسىمالداناتىن ترانزيت كولەمى قانشا جۇك تيەۋ ورىندارىنىڭ بار ەكەنىنە، ولاردىڭ قانشالىقتى زاماناۋي جانە دۇرىس جۇمىس ىستەيتىنىنە بايلانىستى"، - دەدى كولىك-لوگيستيكالىق كومپانيانىڭ باسشىسى تيمۋر قارابايەۆ.

ايتا كەتۋ كەرەك، 2021 جىلى قازاقستان ارقىلى تاسىمالداۋ كولەمى 20%-دان  استام ءوستى. ميلليوننان اسا كونتەينەر جۇك ترانزيتىمەن جونەلتىلدى.