بۇل تۋرالى «قازاقستان تەمىر جولى» ۇلتتىق كومپانياسى» اق (قتج) باسپا ءسوز قىزمەتى مالىمدەدى.
قازاقستان رەسپۋبليكاسىنىڭ قارجى ءمينيسترى ەرۇلان جاماۋبايەۆ پەن «قتج» ۇك» اق باسقارما ءتوراعاسى نۇرلان ساۋرانبايەۆ «KTZE-Horgos Gateway» قۇرعاق پورتىنىڭ، «نۇر جولى» جانە «التىنكول» وتكىزۋ بەكەتتەرىنىڭ جۇمىسىن تەكسەردى، دەپ حابارلايدى Almaty-akshamy.kz كومپانيانىڭ باسپا ءسوز قىزمەتىنە سىلتەمە جاساپ.
«ساپار ناتيجەسىندە دوستىق جانە التىنكول شەكارالىق تەمىرجول ستانسيالارىنىڭ باسشىلارى قىزمەتتەرىنەن بوساتىلدى»، - دەلىنگەن كومپانيانىڭ بەيسەنبىدە تاراتقان حابارلاماسىندا.
سونداي-اق جۇمىس ساپارى بارىسىندا سىرتقى ەكونوميكالىق قىزمەتكە قاتىسۋشىلارمەن كەزدەسۋ وتكىزىلىپ، وندا قازاقستان-قىتاي شەكاراسىندا بيزنەس جۇرگىزۋدىڭ اشىقتىعىن ارتتىرۋ ماسەلەلەرى تالقىلانعانى اتاپ ءوتىلدى.
ەسكە سالا كەتسەك، بۇعان دەيىن قازاقستان پرەزيدەنتى قاسىم-جومارت توقايەۆ كەدەندىك شەكارادا كەشەندى تەكسەرۋ جۇرگىزۋدى جانە ءتارتىپتى قامتاماسىز ەتۋدى تاپسىرعان بولاتىن.