دوسايەۆ جەتىسۋ اۋدانىنداعى ينفراقۇرىلىم ماسەلەلەرى قالاي شەشىلىپ جاتقانىن ايتتى

بۇرىن كوتەرىلگەن ماسەلەلەردىڭ 85%-ى شەشىلدى.

الماتى اكىمى ەربولات دوسايەۆ قالاداعى جەتىسۋ اۋدانىنىڭ تۇرعىندارىمەن كەزەسۋ بارىسىندا جاسالىپ جاتقان جۇمىستار تۋرالى ايتتى، دەپ حابارلايدى Almaty-akshamy.kz. 

قازىرگى ۋاقىتتا اۋداندا سۋ جانە ەلەكترمەن جابدىقتاۋ، كوشەلەردى سۋ باسۋ جانە كولىك-جول ينفراقۇرىلىم ماسەلەلەرىن شەشۋ، الەۋمەتتىك سالانى دامىتۋ مەن اباتتاندىرۋ بويىنشا قارقىندى جۇمىستار ءجۇرىپ جاتىر. 

«سىزدەردىڭ وتىنىشتەرىڭىز بويىنشا وسى جىلدىڭ تامىز ايىندا رابوچيي كەنتىندەگى 22 كوشەنىڭ سۋمەن جابدىقتاۋ جانە كارىز جەلىلەرى «الماتى سۋدىڭ» بالانسىنا بەرىلدى. قازىرگى ۋاقىتتا 47 كم جەلى سىناقتان وتكىزىلىپ جاتىر. ولاردىڭ 37 كم – سۋمەن جابدىقتاۋ، 10 كم – كارىز جەلىلەرى. سىناق جۇرگىزىلگەننەن كەيىن كەلەسى جىلدىڭ ءساۋىر ايىندا ولاردى پايدالانۋعا بەرۋ كوزدەلگەن. سونىمەن قاتار، بيىل قازان ايىنىڭ سوڭىنا قاراي قازىبايەۆ – رىسقۇلوۆ – تاتىبەكوۆ - رايىمبەك كوشەلەرىنىڭ شەگىندەگى سۋمەن جابدىقتاۋ جەلىلەرىن رەكونسترۋكسيالاۋ جانە كارىز جەلىلەرىن سالۋ جۇمىستارىن اياقتاۋ جوسپارلانعان (سۋ قۇبىرى – 43 كم، كاپىز – 15 كم، 2019 جىلى «الۆيس» جاۋاپكەرشىلىگى شەكتەۋلى سەرىكتەستىگى باستادى). جۇمىستار 90%-عا ورىندالدى، 30 كوشەگە اسفالت توسەلدى»، - دەدى ەربولات دوسايەۆ. 

سونىمەن قاتار، اكىمنىڭ ايتۋىنشا، پاللادين – پاۆلودار – سەلسكايا – بورالداي كوشەلەرى جانە "كەمەل" شاعىناۋدانىنىڭ تۇرعىندارىن ەلەكتر ەنەرگياسىمەن ۇزدىكسىز قامتاماسىز ەتۋ ءۇشىن وسى جىلدىڭ مامىر ايىندا 40 كم ەسكىرگەن جەلىلەردى رەكونسترۋكسيالاۋ جۇمىستارى باستالدى. 

«ءقازىر وسى مەكەنجايلاردا مەردىگەر ۇيىمدار («ABM Building» جانە «ەس ەنەردجي») تەمىربەتون تىرەكتەردى ورناتىپ، كابەل جەلىلەرىن تارتۋ جۇمىستارىن جۇرگىزۋدە. ءقازىردىڭ وزىندە 600 تىرەك ورناتىلدى، 10 كم كابەل تارتىلدى. پاللادين – پاۆلودارسكايا – سەلسكايا - بورالداي كوشەلەرىندەگى جۇمىستار وسى جىلدىڭ سوڭىنا دەيىن، كەمەل شاعىن اۋدانىنداعى جۇمىستار 2023 جىلدىڭ ءساۋىر ايىندا اياقتالادى.بۇل 4 000-نان استام ابونەنتتى ەلەكتر ەنەرگياسىمەن ۇزدىكسىز قامتاماسىز ەتۋگە مۇمكىندىك بەرەدى»، - دەيدى اكىم.