دوپينگكە بايلانىستى ۇستالعان ەكى قازاقستاندىق بوكسشىعا قانداي جازا قولدانىلاتىنى بەلگىلى بولدى، دەپ حابارلايدى Almaty-akshamy.kz.
قازاقستاننىڭ دوپينگكە قارسى كوميتەتى حابارلاعانداي، ءساماتالى تولتايەۆتىڭ سىنامالارىنان ورالتۋرينابول، ال ابزال سەرىكتەن مەتاستەرون تابىلعان.
ەكەۋى دە 3 جىلعا سپورتتان شەتتەتىلدى. ەندى تولتايەۆ 2023 جىلعى 31 ناۋرىزدان – 2026 جىلعى 31 ناۋرىزعا دەيىن، سەرىك 2023 جىلعى 7 ساۋىردەن – 2026 جىلعى 7 ساۋىرگە دەيىن جارىستارعا قاتىسا المايدى، -دەپ جازدى Egemen.kz.
ايتا كەتەيىك، ءساماتالى تولتايەۆ – 2022 جىلعى ازيا چەمپيوناتىنىڭ قولا جۇلدەگەرى. 60 كەلىگە دەيىنگى سالماق دارەجەسىندە ونەر كورسەتەدى. ساۋىردە ول ۇلتتىق قۇراما ساپىنان قۋىلىپ، تاشكەنتتە وتكەن 2023 جىلعى الەم چەمپيوناتىنا قاتىسا العان جوق.
ال ابزال سەرىك – جاسوسپىرىمدەر اراسىنداعى 2019 جىلعى ازيا چەمپيونى، 67 كەلى سالماقتاعى جاستار اراسىنداعى ازيا-2023 چەمپيوناتىنىڭ جۇلدەگەرى.