بۇگىن، 17 تامىزدا ەلىمىزدەگى ايىرباس پۋنكتىلەرىندە $1 باعامى – 468 تەڭگەگە دەيىن جەتتى. ۇلتتىق ۆاليۋتا باعامىنىڭ تۇراقسىزدىعى تۋرالى قارجىگەر راسۋل رىسمامبەتوۆ پىكىر ءبىلدىردى، دەپ حابارلايدى Almaty-akshamy.kz.
ساراپشىنىڭ ايتۋىنشا، تەڭگەنىڭ قۇلدىراپ، دوللاردىڭ نىعايۋىنا بىرنەشە سەبەپ بار.
«اقش اقشاسىنىڭ قىمباتتاۋىنا ءۇش نەگىزگى سەبەپ بار. ەڭ باستىسى، بۇل بيۋدجەتتىك تۇزەتۋ. ويتكەنى، بىزدە ءداستۇر بويىنشا بيۋدجەت تامىز ايىندا قارالادى. ۇكىمەت ءبىزدىڭ جالاقىنى، زەينەتاقىنى كوتەرگىسى كەلەدى. ەكىنشى سەبەپ. بۇل حالىقتىڭ ءوزى دوللاردىڭ قىمباتتاۋىن كۇتكەنى. شىنىندا دا، ءقازىر تەڭگە باعامىنىڭ تومەندەۋى ءرۋبلدىڭ تۇراقتى ۆاليۋتالارعا قاتىستى السىرەۋىمەن تۇسپا-تۇس كەلدى. رەسەي - ءبىزدىڭ ساۋدا-ساتىق سالاسىنداعى ارىپتەسىمىز. رەسەيدە دوللاردىڭ قىمباتتاۋى كورشى ەلدەگى ينفلياسيانىڭ ءوسۋىن بىلدىرەدى. البەتتە، مۇنىڭ ءبارى بىزگە ءسوزسىز اسەر ەتەدى»،- دەدى قارجىگەر.
بۇدان بولەك، ەلگە رەسەيلىك تاۋارلار كىردى دەگەن بولجام بار. كورشى ەل تاۋارلارى قازاقستانداعى رۋبلگە بەيىمدەلۋى كەرەك. سوندىقتان ساۋدا جەلىلەرى قايتا قۇرىلادى. وعان ەكى ايداي ۋاقىت كەتەدى.
«ۇشىنشىدەن، كۇزگە قاراي ءىرى كومپانيالار قارىزدارىن وتەي باستايدى. (وبليگاسيا تولەمدەرى تاعى باسقالارى). سوندىقتان ولار رۋبل كۇرت ارزانداعان ءساتتى ءتيىمدى پايدالانباق. ولار تەڭگە دە قۇلدىرايدى دەگەن بولجام جاساپ، دوللار ساتىپ الادى. وسى 3-4 دەرەك سايكەس كەلىپ تۇر. ءتورتىنشى فاكتور. ۇكىمەت كۆازيمەملەكەتتىك سەكتوردىڭ ۇلتتىق كومپانيالارى قور بيرجاسى ارقىلى ساتۋى ءتيىس مىندەتتى ۆاليۋتالىق تۇسىمدەردىڭ ۇلەسىن ازايتقىسى كەلەدى. وسىلايشا، ۇكىمەت بيۋدجەت قارجىسىن ارتتىرعىسى كەلەدى. تەڭگە – جۇمساق ۆاليۋتا»،- دەدى راسۋل رىسمامبەتوۆ.