قازاقستان قور بيرجاسى (KASE) 3 شىلدە كۇنى ساعات 15:30-دا شەتەل ۆاليۋتالارى بويىنشا ساۋدا-ساتتىقتى جاپتى، دەپ حابارلايدى اlmaty-akshamy.kz.
ساۋدا-ساتتىقتىڭ قورىتىندىسى بويىنشا دوللاردىڭ ورتاشا سارالانعان باعامى 0،68 تەڭگەگە كوتەرىلىپ، 472،57 تەڭگەنى قۇرادى.
جۇڭگو ءيۋانىنىڭ ورتاشا سارالانعان باعامى 64،67 تەڭگەگە دەيىن ءوستى (+0،05).
اقشا ايىرباستاۋ ورىندارىندا دوللار 472،1-474،1 تەڭگەگە، ەۋرو 507،5-511،5 تەڭگەگە، رەسەي ءرۋبلى 5،31-5،43 تەڭگەگە ساتىلۋدا.
سونىمەن بىرگە، 3 شىلدەدە الەمدىك مۇناي باعاسىنىڭ ءوسۋى جالعاسۋدا.
وسىلايشا، ICE Futures ەلەكتروندىق ساۋداسىندا قىركۇيەك ايىنداعى Brent فيۋچەرستەرىنىڭ قۇنى 0،27%-عا ءوسىپ، باررەلىنە $86،47 قۇرادى.
NYMEX ەلەكتروندىق ساۋداسىندا WTI مۇنايىنىڭ تامىزداعى فيۋچەرستەرى 0،24%-عا ءوسىپ، باررەلىنە 83،01 دوللاردى قۇرادى.
ۇلتتىق بانك بۇعان دەيىن دوللار باعامىن 471،83 تەڭگە، ەۋرونى 505،66 تەڭگە، ءرۋبلدى 5،4 تەڭگە دەپ بەلگىلەگەن بولاتىن.