استانا مەن الماتىداعى اقشا ايىرباستاۋ پۋنكتەرىندە دوللار 448-452 تەڭگەدەن ساۋدالانىپ جاتىر.
Kurs.kz دەرەگى بويىنشا، استاناداعى ۆاليۋتا ايىرباستاۋ ورىندارىندا 1 دوللار 448–452 تەڭگەدەن ساتىلىپ جاتىر. ال الماتىدا دوللار 448،9–451،7 تەڭگە ارالىعىندا قۇبىلىپ تۇر، دەپ حابارلايدى Almaty-akshamy.kz.
14 تامىز كەشكى ساۋدا قورىتىندىسىنا سايكەس، دوللاردىڭ ورتاشا قۇنى 2،63 تەڭگەگە قىمباتتاپ، 448،63 تەڭگەنى قۇرادى.
ۇلتتىق بانكتىڭ 15 تامىزداعى رەسمي باعامى – 1 دوللارعا 448،55 تەڭگە، رەسەي ءرۋبلى ءۇشىن – 4،42 تەڭگە.
الماتىداعى اقشا ايىرباستاۋ ورىندارىندا رۋبل 4،4–4،7 تەڭگە ارالىعىندا، استانادا 4،4-4،55 تەڭگە ارالىعىندا ساتىلىپ جاتىر.