قازاقستان قور بيرجاسىندا 28 ناۋرىزداعى ساۋدا-ساتتىقتىڭ قورىتىندىسى بويىنشا دوللاردىڭ ورتاشا سارالانعان باعامى بىردەن 4،95 تەڭگەگە كوتەرىلىپ، 503،42 تەڭگە بولدى، دەپ حابارلايدى aqshamnews.kz
رەسەي ءرۋبلىنىڭ ورتاشا سارالانعان باعامى 6،02 تەڭگەنى (+0،06) قۇرادى.
تاڭعى ساۋدانىڭ قورىتىندىسى بويىنشا يۋان باعامى 69،16 تەڭگەگە (+0،67) دەيىن كوتەرىلدى.
اقشا ايىرباستاۋ ورىندارىندا دوللار 502،1-504،7 تەڭگە، ەۋرو 542،5-547،5 تەڭگە، رۋبل 5،87-6،03 تەڭگە ارالىعىندا ساتىلۋدا.
28 ناۋرىزداعى ساۋدا بارىسىندا مۇنايدىڭ الەمدىك باعاسى تومەندەدى. وسىلايشا، ICE Futures ەلەكتروندىق ساۋداسىندا ماۋسىمدىق Brent فيۋچەرستەرىنىڭ قۇنى 0،44%-عا تومەندەپ، باررەلىنە $73،02 قۇرادى.
NYMEX ەلەكتروندى ساۋداسىندا WTI مۇنايىنىڭ مامىرداعى فيۋچەرستەرى 0،40%-عا ارزانداپ، باررەلىنە 69،64 دوللاردى قۇرادى.
تاڭەرتەڭ ۇلتتىق بانك دوللار باعامىن 498،25 تەڭگە، ەۋرونى 537،16 تەڭگە، ءرۋبلدى 5،96 تەڭگە دەپ بەلگىلەدى.