ورتاشا باعام تاعى 0،52 تەڭگەگە تومەندەدى.
30 قاڭتارداعى تۇسكى ساۋدادا دوللار ارزاندادى، دەپ حابارلايدى Almaty-akshamy.kz.
قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى تاعى 0،52 تەڭگەگە تومەندەپ، 459،92 تەڭگە بولدى.
جۇڭگو ءيۋانىنىڭ ورتاشا سارالانعان باعامى كوتەرىلىپ، 68،20 تەڭگەنى (+0،75) قۇرادى.
ەۋرو مەن رۋبل بويىنشا ساۋدا بولعان جوق. ەۋرو باعامىن ۇلتتىق بانك 501،04 تەڭگە، ءرۋبلدى 6،65 تەڭگە دەپ بەلگىلەدى.
اقشا ايىرباستاۋ ورىندارىندا دوللار 457،5-461 تەڭگە، ەۋرو 498-502،56 تەڭگە، رەسەي ءرۋبلى 7،2-7،6 تەڭگە ارالىعىندا ساتىلۋدا.