الاكولدەگى ورتتەن قازا تاپقاندار تۋرالى اقپارات تۇسكەن جوق. بۇل تۋرالى توتەنشە جاعدايلار مينيسترلىگى ورتكە قارسى قىزمەت كوميتەتى ءتوراعاسىنىڭ ورىنباسارى دميتريي تيتوۆ ءمالىم ەتتى، دەپ حابارلايدى اlmaty-akshamy.kz.
«ازىرگە قازا تاپقاندار تۋرالى اقپارات تۇسكەن جوق دەپ سەنىممەن ايتا الامىن. دەنەسىن كۇيىك شالعاندار دا جوق. تەك ءبىر ادام جاراقات الدى. تاعى ءبىر دەمالۋشىعا ءيىس تيگەن. قالعاندارى تەك وقىس وقيعادان ەسەڭگىرەپ قالعان»، - دەدى دميتريي تيتوۆ.
توتەنشە جاعدايلار مينيسترلىگىنىڭ وكىلى ءقازىر ءورت ورنىندا اۋداندىق پوليسيا ءبولىمىنىڭ جەدەل تەرگەۋ توبى جۇمىس ىستەپ جاتقانىن ايتتى.
سونمەن قاتار ءورت زەرتحاناسىنىڭ قىزمەتكەرلەرى ءتىلسىز جاۋدىڭ شىعۋ سەبەپتەرىن انىقتاپ جاتىر.