اتىراۋ وبلىسىنىڭ سۋ ايدىندارىندا ءۇش ايدا 1 493 توننا بالىق قىرىلعان، دەپ حابارلايدى اlmaty-akshamy.kz.
وبلىستىق بالىق شارۋاشىلىعى باسقارماسىنىڭ باسپا ءسوز قىزمەتىنەن ءمالىم ەتكەندەي، ءساۋىر-ماۋسىم ارالىعىندا بەزىمياننىي مەن الماعامبەت كولىندە بالىقتىڭ قىرىلعانى تىركەلگەن.
«بىلتىر ءوڭىردىڭ سۋ ايدىندارىندا 12 توننا 408 كەلى بالىق ولگەنى انىقتالىپ ەدى. ال، بيىل اتىراۋ قالاسى مەن اۋدانداردا بالىقتاردىڭ جاپپاي قىرىلۋىنىڭ الدىن الۋ باعىتىندا ناقتى جۇمىستار اتقارىلدى. سونىڭ ناتيجەسىندە بالىقتىڭ قىرىلۋ دەرەگى وتكەن جىلعى كورسەتكىشتەن 80 پايىزعا دەيىن تومەندەدى. بيىل بەزىمياننىي كولىندە 65 توننا، ال، الماعامبەت كولىندە 1 428 توننا ءولى بالىق تىركەلدى»، -دەپ حابارلادى باسقارمانىڭ باسپا ءسوز قىزمەتى.
بيىلعى 26 ساۋىردە اتىراۋ قالالىق اكىمدىگىنە قاراستى قايىرشاقتى اۋىلدىق وكرۋگىندەگى بەزىمياننىي كولىندە 65 توننا قاراكوز بالىعىنىڭ قىرىلعانى انىقتالدى. وسىعان وراي جايىق-كاسپيي وبلىسارالىق باسسەيندىك بالىق شارۋاشىلىعى ينسپەكسياسىنىڭ ينسپەكتورلارى قايراڭعا شىعىپ قالعان بالىقتاردى قۇتقارۋ جۇمىسىن جۇرگىزدى.
وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ ايتۋىنشا، كوكتەمدە بالىقتار ۋىلدىرىق شاشۋ ءۇشىن قولايلى ورىسكە شىققان. وسىنداي سەبەپپەن بەزىمياننىي كولىندە قىرىلعان بالىق كانال اۋزىنا كەلىپ تىرەلىپ قالعان. كولدەن قاراكوز بالىعىنىڭ 65 كەلى ءولى شاباعى جينالعان.
«وسىعان بايلانىستى بالىقتاردىڭ ۋىلدىرىق شاشۋ ورنىنا ەركىن كىرۋى ءۇشىن قايىرشاقتى وكرۋگىنىڭ اۋماعىندا 800 مەتر كانال قازىلدى. كانالدىڭ تەرەڭدىگى – شامامەن 1 مەتر. ماماندار ولگەن بالىقتى جيناپ الدى. ولگەن بالىق سانيتارلىق تالاپتارعا سايكەس كومۋ جولىمەن جويىلدى. ءتىرى بالىقتار ءسۇزىلىپ، جايىق وزەنىنە جىبەرىلدى»، -دەيدى ارتۋر سادىبەك ۇلى.
ونىڭ ايتۋىنشا، ماحامبەت اۋدانىنداعى الماعامبەت كولىندە 10 جىلدان بەرى سۋ بولماعان. بيىل جايىق وزەنىنەن اتالعان كولگە سۋ شىققان.
«ون جىل بويى سۋدىڭ كەلمەۋى بۇل كولدە جىڭعىلدىڭ وسۋىنە سەبەپ بولدى. بيىل كولگە سۋ كەلدى. كولگە سۋمەن بىرگە كەلگەن بالىق جىڭعىلدىڭ اراسىندا قالىپ قويىپ، كەرى ورالا الماعان. وتتەگىنىڭ جەتىسپەۋشىلىگىنەن قىرىلعان»، - دەدى ارتۋر سادىبەك ۇلى.