Disney ستۋدياسىنىڭ تاعى ءبىر تۋىندىسى قازاقشا دىبىستالدى.
استانادا «موانا 2» انيماسيالىق ءفيلمى قازاق تىلىندە كورەرمەن نازارىنا ۇسىنىلدى، دەپ حابارلايدى aqshamnews.kz 24.kz-كە سىلتەمە جاساپ.
فيلم حالىقارالىق «قازاق ءتىلى» قوعامىنىڭ ۇيىمداستىرۋىمەن دۋبلياجدالعان. دۋبلياج رەجيسسەرى – شاح-مۇرات وردابايەۆ. مۋزىكالىق جەتەكشى – انەل سىرگەبايەۆا.
Disney جىل سايىن فيلمدەردىڭ ءار ءتۇرلى تىلدەگى نۇسقاسىن دايىندايدى. سونىڭ اياسىندا «قازاق ءتىلى» قوعامىنىڭ ۇيىتقىسىمەن بيىلدان باستاپ ءىرى حالىقارالىق ستۋديالار الەمدىك پرەمەرالارىن قازاق تىلىندە ۇسىنا باستادى.
راۋان كەنجەحان ۇلى، حالىقارالىق «قازاق ءتىلى» قوعامىنىڭ پرەزيدەنتى: - Disney، Pixar بۇلار دۇنيەجۇزىنە جاڭا فيلم شىعارعان كەزدە 30 شاقتى فيلمگە، الەمدەگى ۇلكەن فيلمدەرگە ءوز قاراجاتىن اۋدارىپ تاراتادى. سونداي تىلدەردىڭ قاتارىنا قازاق ءتىلى دە قوسىلىپ وتىر. بۇل ءبىز ءۇشىن ۇلكەن جەڭىس. بيىلعى جىلى «ويجۇمباق 2» شىقتى، جاقىندا «ۆەنوم 2» قازاقشا شىقتى، بۇگىن، مىنە، «موانا 2» تانىستىرىلدى، جەلتوقسان ايىندا «مۋفاسا. ارىستان پاتشا» شىعادى. كەلەسى جىلدىڭ باسىندا «اقشاقار شىعادى».