«Taza sessiya» اكسياسى اياسىندا ەلىمىزدىڭ جوعارى وقۋ ورىندارىنداعى سىبايلاس جەمقورلىق تەكسەرىلدى
اكسيانى Amanat پارتياسىنىڭ جاستار قاناتى وتكىزدى. 64 جوعارى وقۋ ورنىنان 20 مىڭعا جۋىق ستۋدەنت ءانونيمدى ساۋالناماعا قاتىستى، دەپ حابارلايدى Almaty-akshamy.kz
«اكسيانى وتكىزۋدىڭ باستى شارتى – ادالدىق پەن انونيمدىك. سوندىقتان مەن بارلىق مۇددەلى تۇلعالاردى قاتىسۋعا شاقىرامىن. تەك بىرىگۋ ارقىلى عانا ءبىز ۋنيۆەرسيتەتتەردەگى سىبايلاس جەمقورلىقتى جويىپ، وتاندىق ءبىلىم بەرۋ دەڭگەيىن ارتتىرۋعا ۇلەس قوسا الامىز»، - دەدى جاستار قاناتىنىڭ ءتوراعاسى نۇرجان جەتپىسبايەۆ اكسيا باستالعان كۇنى.
بەلسەندىلەر جوعارى وقۋ ورىندارىنىڭ سانى الدەقايدا كوپ بولۋى مۇمكىن ەكەنىن، ءبىراق ءبارى بىردەي «Taza sessiya»-عا قاتىسۋعا كەلىسىمدەرىن بەرمەگەندەرى تۋرالى ايتتى.
«وڭىرلەردە ۋنيۆەرسيتەتتەر مەن كوللەدجدەر سىبايلاس جەمقورلىققا تولى. بۇل - ستۋدەنتتەر مەن وقىتۋشىلار ءۇشىن ادەتتەگى تاجىريبە. «ساباقتا وتىرعىڭىز كەلمەي مە؟ شوكولاد الىپ بەر دە، كەتە بەر!». ەڭ وكىنىشتىسى، ستۋدەنتتەرگە بۇل جاعداي ۇنايدى»، - دەدى اكسياعا قاتىسۋشىلاردىڭ ءبىرى.
ساۋالناما جۇرگىزۋگە تاۋەلسىز باقىلاۋشىلار، سونىڭ ىشىندە حالىقارالىق گروسسمەيستەر جانسايا ابدىمالىك، بلوگەر الماس ساعىن ۇلى جانە ەكسترەمالدى سپورتشى ساكەن كاگاروۆ، باسقا دا قوعام قايراتكەرلەرى، سونداي-اق جەرگىلىكتى اتقارۋشى ورگاندار جانىنداعى «ادالدىق الاڭى» جوبالىق كەڭسەلەرىنىڭ وكىلدەرى تارتىلدى.
Amanat پارتياسىنىڭ جاستار قاناتى اكسيانىڭ قورىتىندىسىن ءساۋىر ايىنىڭ سوڭىندا جاريالاۋ جوسپارلانىپ وتىر.
ەستەرىڭىزگە سالا كەتەيىك، «Taza sessiya» اكسياسى 8 جىلدان بەرى وتكىزىلىپ كەلەدى. ماسەلەن، 2020 جىلدىڭ ناتيجەلەرى بويىنشا سۇرالعانداردىڭ 12،5%-ى وزدەرىنىڭ جوو-دا سىبايلاس جەمقورلىق فاكتىلەرى بار ەكەنىن، بۇل ءبىر جىل بۇرىنعىعا قاراعاندا 0،3%-عا از ەكەنىن مالىمدەدى.
2020 جىلى ساۋالناماعا 20 710 ادام قاتىستى، ونىڭ ىشىندە 63،3% 2 كۋرس جانە ودان جوعارى ستۋدەنتتەر (46،5% – ايەلدەر، 53،4% – ەرلەر). كوبىنەسە ستۋدەنتتەر سىبايلاس جەمقورلىقپەن ەمتيحان تاپسىرۋ كەزىندە تاپ بولعان، بۇل تۋرالى اكسياعا قاتىسۋشىلاردىڭ 23،8%-ى مالىمدەدى. سونىمەن قاتار، سول جىلعى رەيتينگتىڭ انتيليدەرى «استانا» مەديسينا ۋنيۆەرسيتەتى بولدى. قورىتىندى بويىنشا، پارانىڭ ورتاشا مولشەرى انىقتالعان. ماسەلەن، 400 مىڭ تەڭگەگە ستۋدەنتتەرگە اقىلى وقۋ تۇرىنەن بيۋدجەتتىك وقۋ تۇرىنە اۋىسۋدى، 260 مىڭ تەڭگەگە اسكەري كافەدراعا ءتۇسۋدى، 150 مىڭ تەڭگەگە ديپلومدىق جۇمىستى «وتە جاقسى» ەتىپ قورعاۋدى، ال سەسسيانى 22 مىڭ تەڭگەگە «اۆتوماتپەن» تاپسىرۋدى ۇسىنعان. وتكەن جىلى اكسيا ۋنيۆەرسيتەتتەردىڭ قاشىقتىقتان وقىتۋعا كوشۋىنە بايلانىستى وتكىزىلگەن جوق.