پرەزيدەنت ديپكورپۋس وكىلدەرىن ەلىمىزدىڭ ديپلوماتيالىق قىزمەتىنىڭ 30 جىلدىعىمەن قۇتتىقتادى
ەلىمىزدىڭ ديپلوماتيالىق قىزمەتىنىڭ وتىز جىلدىق مەرەيتويى حالقىمىز جاڭا قازاقستان قۇرۋعا كىرىسكەن سىندارلى ساتپەن تۇسپا-تۇس كەلدى.
بۇل جايىندا ق ر پرەزيدەنتى قاسىم-جومارت توقايەۆتىڭ «حالىقارالىق قاتىناستاردىڭ قازىرگى زامانعى جۇيەسىندەگى قازاقستان رەسپۋبليكاسى» اتتى حالىقارالىق كونفەرەنسيا قاتىسۋشىلارىنا جولداعان قۇتتىقتاۋ حاتىندا ايتىلعان، دەپ حابارلايدى قازاقپارات ءتىلشىسى.
«قۇرمەتتى قازاقستان رەسپۋبليكاسى ديپلوماتيالىق قىزمەتىنىڭ ارداگەرلەرى مەن قىزمەتكەرلەرى! سىزدەردى ەلىمىزدىڭ ديپلوماتيالىق قىزمەتىنىڭ 30 جىلدىق مەرەيتويىمەن شىن جۇرەكتەن قۇتتىقتايمىن. ءبىز وسىناۋ تاريحي مەجەگە ۇلكەن جەتىستىكتەرمەن جەتتىك»، - دەلىنگەن ق ر سىرتقى ىستەر ءمينيسترى مۇحتار تىلەۋبەردى وقىپ بەرگەن مەملەكەت باسشىسىنىڭ حاتىندا.
ق ر پرەزيدەنتىنىڭ اتاپ وتۋىنشە، ەلىمىز 186 ەلمەن قارىم-قاتىناس ورناتىپ، 50 حالىقارالىق ۇيىمنىڭ مۇشەسى بولدى.
«ءبىز وڭىرلىك جانە جاھاندىق پروسەستەرگە بەلسەندى قاتىساتىن ورنىقتى ءارى بەدەلدى مەملەكەتكە اينالدىق. سىزدەر تاۋەلسىزدىگىمىزدىڭ العاشقى كۇنىنەن ەلىمىزدىڭ مۇددەسىن حالىقارالىق ارەنادا قورعاپ كەلەسىزدەر. قازىرگى گەوساياسي تۇراقسىزدىق جاعدايىندا سىزدەر جاھاندىق الەمدە قازاقستاننىڭ ۇستانىمىن نىعايتۋعا جانە شەت مەملەكەتتەرمەن ىنتىماقتاستىقتى دامىتۋعا ۇلكەن ۇلەس قوساسىزدار»، - دەدى قاسىم-جومارت توقايەۆ.
مەملەكەت باسشىسى ەلىمىزدىڭ ديپلوماتيالىق قىزمەتىنىڭ وتىز جىلدىق مەرەيتويى حالقىمىز جاڭا قازاقستان قۇرۋعا كىرىسكەن سىندارلى ساتپەن تۇسپا-تۇس كەلگەنىن باسا اتاپ وتەدى.
«وسىعان وراي سىرتقى ىستەر مينيسترلىگىنە ۇلكەن جاۋاپكەرشىلىك جۇكتەلەدى. ديپلوماتتاردىڭ باستى مىندەتى - مەملەكەتىمىزدىڭ الەمدەگى مارتەبەسىن ودان ارى ارتتىرۋ، سىرتقى قاۋىپسىزدىكتى قامتاماسىز ەتۋ، شەتەلدەگى ازاماتتارىمىزدىڭ قۇقىقتارى مەن مۇۇددەلەرىن قورعاۋ»، - دەدى ق ر پرەزيدەنتى.