دانيا ۇكىمەتى ءدىني كىتاپتاردى قوعامدىق ورىنداردا ورتەۋگە تىيىم سالماق.
بۇل تۋرالى اتالعان ەلدىڭ ادىلەت ءمينيسترى پيتەر حۋممەلگورد ءمالىم ەتتى، دەپ حابارلايدى Almaty-akshamy.kz
Egemen.kz حابارلاۋىنشا، مينيسترلەر كابينەتى قۇراندى، ءىنجىلدى، تورانى كوپشىلىك الدىندا ورتەگەن جاعدايدا قىلمىستىق جاۋاپكەرشىلىككە تارتىلاتىنىن ايتتى.
«جاقىندا قۇراننىڭ ورتەنۋى دانياعا ءقاۋىپ ءتوندىردى. بۇل دانياعا جانە ەل مۇددەسىنە، سونداي-اق شەت ەلدەردە جۇرگەن دانيالىقتاردىڭ قاۋىپسىزدىگىنە نۇقسان كەلتىرۋى مۇمكىن. ءدىني جازبالاردى كوپشىلىك الدىندا ورتەۋگە تىيىم سالىنۋى كەرەك»، - دەدى مينيستر.
سونداي-اق زاڭدا شەت مەملەكەتتى، ونىڭ تۋىن نەمەسە باسقا دا ۇلتتىق تاڭبالارىن، بىرىككەن ۇلتتار ۇيىمىنىڭ نەمەسە ەۋروپالىق كەڭەستىڭ تۋىن كوپشىلىك الدىندا قورلايتىن كەز كەلگەن ادامعا ايىپپۇل سالىنادى نەمەسە اباقتىعا جابىلادى.
ەسكە سالايىق، دانيادا قۇراندى ورتەۋ وقيعاسى بولعانى ءمالىم.