قازىرگى زاماننىڭ وزەكتى ماسەلەلەرىنىڭ ءبىرى - ءدىني ەكسترەميزم مەن ساناعا اسەر ەتۋ ارقىلى مانيپۋلياسيا جاساۋ ءقاۋپى.
بۇل تۋرالى الماتىدا وتكەن جيىندامەملەكەتتىك ورگانداردىڭ قىزمەتكەرلەرى تالقىلادى، دەپ حابارلايدى aqshamnews.kz.
ءىس-شارانى ۇيىمداستىرۋشى - ءدىن سالاسىنداعى ماسەلەلەردى زەرتتەۋ ورتالىعى. ورتالىق ماماندارىنىڭ پىكىرىنشە، بۇگىندە اقپاراتتىق جانە پسيحولوگيالىق يممۋنيتەتتى نىعايتۋ - اسا ماڭىزدى، اسىرەسە ماقساتشىل ءارى ىنتالى مەملەكەتتىك قىزمەتشىلەردىڭ اراسىندا، سەبەبى ولار اسەرگە بەيىم توپتاردىڭ ءبىرى سانالادى.
كەزدەسۋدە نەگىزگى بايانداما جاساعان ورتالىق ءبولىمىنىڭ باسشىسى ءسادۋاقاسوۆ قانات ءدىني اعىم رەتىندە كورىنەتىن كەيبىر توپتاردىڭ شىن مانىندە ادامداردىڭ ەركىندىگى مەن ساناسىن باعىندىرۋدى كوزدەيتىنىن اتاپ ءوتتى. مۇنداي توپتار اسىرەسە ينتەرنەتتە بەلسەندى ارەكەت ەتەدى - «ۇستاز» بەينەسىن جامىلعان راديكالدى تۇلعالار سەنىمگە كىرىپ، ەموسيا مەن ءبىلىمنىڭ جەتىسپەۋشىلىگىن شەبەر پايدالانادى.
ديالوگ بارىسىندا قاتىسۋشىلار:
– يدەولوگيالىق ۇگىت-ناسيحاتتىڭ بەلگىلەرىن قالاي تانۋعا بولاتىنىن؛
– سىني ويلاۋدىڭ ماڭىزىن؛
– زاماناۋي سيفرلىق تەحنولوگيالاردىڭ ەكسترەميستىك يدەولوگيانى تاراتۋداعى ءرولىن ءبىلدى.
مەملەكەتتىك قۇرىلىمداردىڭ قىزمەتكەرلەرى اشىق ءارى پايدالى كەزدەسۋدى ۇيىمداستىرعانى ءۇشىن العىستارىن ءبىلدىردى. راديكالدى يدەيالار تەز تارالاتىن قازىرگى ۋاقىتتا مۇنداي ءىس-شارالار الدىن الۋ جۇمىسىنىڭ ماڭىزدى بولىگىنە اينالىپ وتىر جانە ازاماتتىق يممۋنيتەتتى قالىپتاستىرۋدا شەشۋشى ءرول اتقارادى.