2021 جىلى 23 ماۋسىمدا الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن اكىمدىكتىڭ جانىنداعى ءدىني بىرلەستىكتەرمەن بايلانىس جونىندەگى قالالىق كەڭەستىڭ وتىرىسى ءوتتى، ونىڭ قۇرامىنا جەتەكشى كونفەسسيالاردىڭ جەتەكشىلەرى، ءدىنتانۋشىلار كىردى.
كەڭەستىڭ نەگىزگى ماقساتى – ءدىني سەنىمدەرگە قاتىستى ۇسىنىستار مەن ۇسىنىمدار ازىرلەۋ، قوعامداعى رۋحاني كەلىسىمدى نىعايتۋ جانە كونفەسسياارالىق قاتىناستاردى ۇيلەستىرۋ. ماڭىزدى مىندەتتەردىڭ ءبىرى – داۋلى ايماقتاردى انىقتاۋ جانە ىشكى ءارى كونفەسسيالار اراسىنداعى داۋ-دامايدىڭ دامۋىنا جول بەرمەۋ.
كەزدەسۋ بارىسىندا ەكىنشى جارتىجىلدىقتاعى كونفەسسياارالىق كەلىسىمدى نىعايتۋ بويىنشا جۇمىس جوسپارى قارالدى. ونىڭ ىشىندە جىل سايىن 18 قازاندا اتاپ وتىلەتىن رۋحاني كەلىسىم كۇنى تۋرالى دا ءسوز بولدى. سونىمەن قاتار الداعى كەزەڭگە ارنالعان اعىمداعى مىندەتتەر تالقىلاندى.
كەزدەسۋگە قاتىسۋشىلار ءدىني احۋال تۋرالى ءوز پىكىرلەرىمەن ءبولىسىپ، قالاداعى كونفەسسيالار اراسىندا رۋحاني باۋىرلاستىقتى نىعايتۋ جونىندە ۇسىنىستار ايتتى. جينالىستا قالا باس يمامىنىڭ ورىنباسارى ە.ەسىم، ۆوزنەسەننىي سوبورىنىڭ قىزمەتشىسى ا.سۋۆوروۆ جانە باسقالار ءسوز سويلەدى.
كەڭەس ءتوراعاسى، اكىمنىڭ ورىنباسارى ەرجان باباقۇماروۆ مەملەكەتتىك-كونفەسسيالىق قاتىناستار ماسەلەلەرىنە ەرەكشە نازار اۋدارىلاتىندىعىن اتاپ ءوتتى.
الماتىدا 100-دەن استام ءتۇرلى ەتنوس وكىلدەرى، سونداي-اق ەلدەگى 18 كونفەسسيانىڭ 17ء-سى تۇرادى. بۇگىنگى كۇنى قالادا 184 جەرگىلىكتى ءدىني بىرلەستىك بار، 115 عيبادات ورنى جۇمىس ىستەيدى. 1991 جىلدان باستاپ الماتىدا ءدىني بىرلەستىكتەردىڭ سانى 12 ەسەگە ءوستى. 3 جاڭا مەشىت پەن ءبىر عيباداتحانانىڭ قۇرىلىسى ءجۇرىپ جاتىر.