FM Kiryu ەفيرىندە قازاقستاندىق ورىنداۋشىنىڭ اندەرىن ۇسىنۋ داستۇرگە اينالدى
4 قاراشا كۇنى ديماش قۇدايبەرگەننىڭ جاڭا كومپوزيسيالارىنىڭ ءبىرى «Fly Away» تانىمال FM Kiryu جاپون راديوستانسياسىنىڭ ەفيرىندە شىرقالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
FM Kiryu ەفيرىندە قازاقستاندىق ورىنداۋشىنىڭ اندەرىن ۇسىنۋ داستۇرگە اينالدى. ديماشتىڭ تانىمال «Screaming» كومپوزيسياسى العاش رەت جاپون راديوستانسياسىندا 2020 جىلدىڭ 18 ماۋسىمىندا شىرقالعان بولاتىن. سول كەزدە ءانشىنىڭ داۋىسىن ەستىگەن راديو جۇرگىزۋشىلەرى قاتتى تاڭعالدى. سونىمەن قاتار، ەفير كەزىندە ولار كوپتەگەن جاقسى پىكىرلەر الدى.
العاشقى ەفيردەن كەيىن جاپون فان كلۋبىنىڭ جانكۇيەرلەرى بىردەن باسقا كومپوزيسياعا سۇرانىس جاسادى. بىرنەشە رەت سۇراتقان. وسىلايشا، 4 قاراشادا «More Music» باعدارلاماسىندا قازاقستاندىق ءانشى ءانىنىڭ التىنشى ترانسلياسياسى وتەدى. جاڭا ەفيردە راديو جۇرگىزۋشىلەر ءانشىنىڭ «Fly Away»، «دايديداۋ» جانە «Golden» اتتى ءۇش كومپوزيسياسىن روتاسيالاۋدى جوسپارلاپ وتىر.