جۇمىس ساپارى بارىسىندا الماتى اكىمى باقىتجان ساعىنتايەۆ بالالاردىڭ ويىن جانە سپورت ايماقتارىن قۇرۋ، سونداي-اق كولىك ينفراقۇرىلىمىن دامىتۋ جونىندەگى جوبالاردىڭ ىسكە اسۋىمەن تانىستى دەپ حابارلايدى almaty-akshamy.kz
اۋەزوۆ اۋدانىنىڭ التىن بەسىك شاعىن اۋدانىندا جاڭا قوعامدىق كەڭىستىك اشىلدى. بۇرىن انەت بابا كوشەسىندە ستۋدەنتتىك جاتاقحانا سالۋ جوسپارلانعان بولاتىن. تۇرعىندار ءوتىنىش بىلدىرگەن سوڭ قالا اكىمى باقىتجان ساعىنتايەۆ مۇندا سپورت جانە ويىن الاڭدارىن، سونداي-اق بالاباقشا سالۋ تۋرالى شەشىم قابىلدادى. مۇندا تۇراتىن قالالىقتار ماسەلەنىڭ وسىلاي شەشىلۋىن وتىنگەن بولاتىن.
ەندى 5 مىڭ شارشى مەتر بوس تۇرعان جەردە فۋتبول جانە باسكەتبول الاڭدارى، جۇگىرۋ جولدارى بار سپورت الاڭى، بالالارعا ارنالعان ويىن الاڭى سالىندى. اۋماق اباتتاندىرىلدى، جارىقتاندىرىلدى، قوقىس جاشىكتەرى مەن ورىندىقتار ورناتىلدى، بۇتالار مەن اعاشتار وتىرعىزىلدى. جاقىن جەردە 120 ورىندىق بالاباقشا سالىنادى، ونىڭ جوباسىمەن قالا اكىمى تانىستى.
ب. ساعىنتايەۆ سونداي-اق التىن بەسىك شاعىناۋدانىنداعى ترۋدوۆايا كوشەسىندە اباتتاندىرۋ جانە قوعامدىق كەڭىستىك قۇرۋ بارىسىن كوردى. سونداي-اق، الماتى اكىمىنىڭ تاپسىرماسى بويىنشا اۋماعى 9 مىڭ شارشى مەتر بولاتىن قاراۋسىز قالعان الاڭ بولدى، ول تازارتىلىپ، ترەناجەرلەرى، تەننيس ۇستەلدەرى، ۆوركاۋت-ايماعى بار سپورت الاڭى ۇيىمداستىرىلدى. سونداي-اق، فۋتبول جانە باسكەتبول الاڭدارى، سكەيت-الاڭ، بالالار ويىن ايماعى قاراستىرىلعان. جارىقتاندىرۋ جانە بەينەباقىلاۋ ورناتىلعان.
قالا اكىمى ب. ساعىنتايەۆ اقساي-2 شاعىن اۋدانىنداعى ساياباقتى قايتا جوندەۋ جوباسىمەن تانىستى، ءمجا اياسىندا سالىنعان №42 مەكتەپتىڭ سپورت الاڭىن ارالاپ كوردى، ۇلكەن الماتى وزەنىنىڭ جاعالاۋى - ءال-فارابي داڭعىلى بويىنداعى كوپىر استى كەڭىستىگىن اباتتاندىرۋ ناتيجەلەرىنە باعا بەردى. سونىمەن قاتار، ياسساۋي كوشەسىنەن قالا شەكاراسىنا دەيىن ۇزىندىعى 4،5 كم تولە بي كوشەسىن ۇڭگىلەۋ جوباسى قارالدى.
