روليك اپتا بويى ساعات سايىن 576 ەكراندا كورسەتىلەدى.
6 قىركۇيەك كۇنى مەحيكوداعى مەترونىڭ مەديافاسادتارىندا ديماش قۇدايبەرگەننىڭ Fly Away انىنە تۇسىرىلگەن ۆيدەوسى جاريالاندى، دەپ حابارلايدى Almaty-akshamy.kz.
ديماشتىڭ مەكسيكاداعى فان-كلۋبىنىڭ ارقاسىندا بەينەروليكتەر كورسەتىلدى. Dears ەڭ تانىمال تەلەديدارلىق جەلىلەردىڭ ءبىرى – مەحيكو قالاسىنداعى مەترودا مۋزىكالىق بەينەكليپتەر مەن مادەني جاڭالىقتاردى ورنالاستىرۋمەن اينالىساتىن Isa TV-گە حابار تاراتۋ تۋرالى ءوتىنىش جىبەردى.
ترانسلياسيانىڭ ءوتۋى ءۇشىن Dears Isa TV رەسمي Instagram-اككاۋنتىنداعى پوستتىڭ استىنا 2000 لايك جيناۋ كەرەك بولدى، ديماش شىعارماشىلىعىنىڭ جانكۇيەرلەرى وعان نەبارى ەكى كۇننىڭ ىشىندە قول جەتكىزدى.
وسىلايشا، 6 قىركۇيەكتە مەكسيكا استاناعاسىنداعى مەترونىڭ 70 ستانسياسىندا ديماشتىڭ Fly Away انىنە تۇسىرىلگەن ۆيدەوسى كورسەتىلدى. مەترو – قالانىڭ نەگىزگى كولىك قۇرالدارىنىڭ ءبىرى، سوندىقتان بەينەنى 3 ميلليونعا جۋىق ادام كورەدى.