تانىمال ءانشى ديماش قۇدايبەرگەننىڭ اناسى سۆەتا ايتبايەۆا بولاشاق كەلىنىنە قويار تالاپتارىمەن ءبولىستى، دەپ حابارلايدى aqshamnews.kz
"جىبەك جولى" تەلەارناسىنا سۇحبات بەرگەن سۆەتا ايتبايەۆا ۇلىنىڭ تاڭداۋىنا ارالاسپايتىنىن جەتكىزدى.
"كەز-كەلگەن اتا-انانىڭ ارمانى - بالاسىن اياقتاندىرۋ. ءساتى تۇسكەن ءبىر كۇنى بولار. ازىرگە ديماشتىڭ جىلدىڭ اياعىنا دەيىن جوسپارلانعان كونسەرتتەرى بار. تىعىز كۇنتىزبەمەن قاربالاس بولىپ، ارى-بەرى جۇگىرىپ ءجۇر. ماڭدايعا جازىلعاننان اسىپ كەتە المايسىڭ دەيدى عوي. سول ماڭدايعا جازىلعان ءبىر جاقسىلىعى بار دەپ سەنەمىز. تالاپ قويمايمىن، كىم بولسا دا بۇيىرعانى. كىم بولسا دا قۇشاق جايا قارسى الامىز. قاتاڭ ءبىر ءتارتىپ قويمايمىز، ءبىراق جاقسى ءبىر كەڭەستەرىمىزدى ايتىپ، ءوزىمىزدىڭ اۋلەتتىڭ قاعيدالارىن ايتىپ، وزىمىزگە قاراي باۋليتىنىمىز راس"، - دەدى سۆەتا ايتبايەۆا.