20 قىركۇيەكتە ديماش قۇدايبەرگەن قىتايدىڭ چەندۋ قالاسىندا وتكەن «Golden Panda» سىيلىعىمەن ماراپاتتاۋ راسىمىنە قاتىستى.
كەشتىڭ فينالىندا ايگىلى قىتايلىق ءانشى ۆەي ۆەي مەن ديماش «Join Hands» سىيلىعىنىڭ باستى تاقىرىپتىق ءانىن ورىندادى، دەپ حابارلايدى Almaty-akshamy.kz Dimashnews.com-عا سىلتمە جاساپ.
«Golden Panda» – بۇل سىيلىقتىڭ مادەني ماڭىزدىلىعىن كورسەتەتىن پاندا سيمۆولىمەن بەينەلەنگەن كينەماتوگرافيا ونەرى ارقىلى شىعارماشىلىق الماسۋدى دامىتۋعا جانە ورتاق بولاشاعى بار جاھاندىق قاۋىمداستىق قۇرۋعا باعىتتالعان حالىقارالىق ءىس – شارا. بۇل سىيلىق بۇكىل ادامزاتتىڭ ورتاق قۇندىلىقتارىن اشاتىن ەڭ جاقسى فيلمدەردى تاڭداپ باعالايدى.
ديماش قىزىل كىلەمدە ايگىلى جۇڭگو ءانشىسى ۆەي ۆەيدىڭ بىرگە ءجۇرىپ ءوتتى. جانكۇيەرلەرىمەن امانداسىپ، «Dears-قا دەگەن سۇيىسپەنشىلىكپەن» دەگەن قولتاڭبا قالدىردى.
كەشتىڭ فينالىندا ۆەي ۆەي مەن ديماش Golden Panda Awards «同行 Join Hands» سىيلىعىنىڭ باستى تاقىرىپتىق ءانىن ورىندادى. ءتۇپنۇسقا شىعارمانى ايگىلى ۇيىمداستىرۋشى جانە ءان اۆتورى چجۋ حاي جانە كومپوزيتور، وسكار سىيلىعىنىڭ مۋزىكالىق تورەشىسى نەيتان ۆانگ جازعان.
سوليستەردىڭ اۋەزدى داۋىستارى ەرەكشە ۇيلەسىم تاۋىپ بارلىق تىڭداۋشىلاردى تولعاندىردى. تولىق ۇيلەسىمدىلىكپەن ورىندالعان قويىلىم اۋقىمدى جانە ماعىنالى ءىس-شارانى ايقىن اياقتادى.