28 قىركۇيەكتە ديماش قۇدايبەرگەن ۇزاق ۋاقىتتان كەيىن جۇڭگو ساحناسىنا قايتا ورالدى. قازاقستاندىق ءانشى بەيجىڭ ستۋدەنتتىك كينوفەستيۆالىندە ءوزىنىڭ Screaming ءحيتىن ورىندادى، دەپ حابارلايدى almaty-akshamy.kz dimashnews.com.-عا سىلتەمە جاساپ.
پەكين ستۋدەنتتىك كينوفەستيۆالى 1993 جىلى قۇرىلعان جانە قىتايداعى جىل سايىن ۇلكەن كولەمدە وتكىزىلەتىن العاشقى كينوفەستيۆال بولىپ تابىلادى. بۇگىنگى تاڭدا ول شانحاي حالىقارالىق كينوفەستيۆالى مەن چانچۋن كينوفەستيۆالىمەن قاتار قىتايدىڭ ەڭ ءىرى كينوفەستيۆالدەرىنىڭ ءبىرى بولىپ تابىلادى.
فەستيۆالدى جىل سايىن بەيجىڭ پەداگوگيكالىق ۋنيۆەرسيتەتى جانە پەكين قالالىق راديو، كينو جانە تەلەديدار بيۋروسى ۇيىمداستىرادى.
620 كۇننەن كەيىن ديماش تاعى دا جۇڭگو ساحناسىنا ۇلكەن قۇلشىنىسپەن اياق باستى، وندا ءوزىنىڭ ەڭ تانىمال كومپوزيسيالارىنىڭ ءبىرى – ءوزىنىڭ العاشقى قىتايلىق «iD»البومىنان Screaming ءانىن ورىندادى. Weibo-داعى رەسمي پاراقشاسىندا ديماش كوپتەن كۇتكەن قايتارىمنىڭ ەموسيالارىمەن ءبولىستى.
كورەرمەندەر ديماشتىڭ 28ء-شى ستۋدەنتتىك كينوفەستيۆالدە ونەر كورسەتۋىن 30 قىركۇيەكتە جەرگىلىكتى ۋاقىت بويىنشا ساعات 20:15-تە CCTV تەلەارناسىنان كورە الادى.