ديماش قۇدايبەرگەن ازيانىڭ سىمباتتى جىگىتتەرى اراسىندا كوش باستاپ تۇر

«King Choice» رەيتىنگىندە ديماشتىڭ جيناعان داۋىسى - 7 ملن 798 مىڭ 

ەسىمى الەمگە ايگىلى ءانشى ديماش قۇدايبەرگەن «King Choice» رەيتينگىندە (ازياداعى ەڭ سىمباتتى 100 جىگىتى) ءبىرىنشى ورىندا تۇر، دەپ حابارلايدى Almaty-akshamy.kz 

Kingchoice.me سايتىندا جۇرگىزىلىپ جاتقان داۋىس بەرۋ 30 قىركۇيەك كۇنى اياقتالادى. ال بۇگىنگى دەرەكتەرگە سايكەس، جانكۇيەرلەرىنىڭ 7 ملن 798 مىڭ داۋىسىن جيناعان ديماش قۇدايبەرگەن ءبىرىنشى ورىندا تۇر. ال ەكىنشى ورىنداعى وڭتۇستىك كورەيانىڭ BTS توبىنىڭ ءسوليسى كيم سوكدجين (Kim Seokjin) 7 ملن 371 مىڭ داۋىس جيناعان. ۇزدىك ۇشتىكتىڭ قاتارىندا تاعى كورەيلىك ونەر يەسى بار. اكتەر چا ىنۋدىڭ 1 ملن 350 مىڭ داۋىسى بار. ايتا كەتەيىك، 19 قىركۇيەكتە «Jas Otan» جاستار قاناتىنىڭ بەلسەندىلەرى الەۋمەتتىك جەلىلەردە «King Choice» رەيتينگىندە ديماش قۇدايبەرگەنگە داۋىس بەرۋدى قولداۋ ءۇشىن #JasOtanQoldaidy اكسياسىن ىسكە قوسقان بولاتىن. 

«Jas Otan» جق ءتوراعاسى نۇرجان جەتپىسبايەۆ تا الەۋمەتتىك جەلىلەردە قازاقستاندىقتاردى وتانداسىمىزعا داۋىس بەرۋگە شاقىرعان ەدى. بۇل ۇندەۋ جاسوتاندىقتار اراسىندا چەللەندجگە ۇلاستى.