ديماش «جىبەك جولى» حالىقارالىق كينوفەستيۆالىندە ءان ايتتى

ديماش فەستيۆالدە رەسەي كومپوزيتورىنىڭ ءانىن ورىندادى

ديماش قۇدايبەرگەن قىتايدىڭ فۋچجوۋ قالاسىندا 8ء-شى رەت وتكەن «جىبەك جولى» حالىقارالىق كينو فەستيۆالىنىڭ جابىلۋ سالتاناتىندا ءان سالدى، دەپ حابارلايدى Almaty-akshamy.kz Almaty.tv-عا سىلتەمە جاساپ.

ديماش قىتايدا وتكەن شارادا رەسەي كومپوزيتورى يگور كرۋتويدىڭ «سەنى ساعىنىپ ءجۇرمىن» كومپوزيسياسىن شىرقادى. ونىڭ ءان ايتقان ءساتىن جانكۇيەرلەرى قىتايدىڭ CCTV6 ۇلتتىق تەلەارناسى اقىلى تىكەلەي ەفيردەن تاماشالادى. 

سونداي-اق شارادا ديماش قىتايدىڭ تانىمال ءانشىسى چان شيلەيمەن دۋەت قۇرىپ، «Heaven and Earth» اتتى ءاندى ۇسىندى. 

«جىبەك جولى» حالىقارالىق كينوفەستيۆالى 2014 جىلدان بەرى ءوتىپ كەلەدى. بۇل جولى ءداستۇرلى قىزىل كىلەممەن ۇلى جىبەك جولىنىڭ بويىندا جاتقان ەلدەردىڭ كورنەكتى ونەر قايراتكەرلەرى رەتىندە كينورەجيسسەرلەر حۋان سزيانسين مەن گۋان حۋ، جازۋشى ليۋ چجەنيۋن، كينوپروديۋسەر ماركو ميۋللەر، اكتريسالار يۋي نان مەن ليان سزين، اكتەر گونگ سزيۋن، قازاقستاندىق ءانشى ديماش قۇدايبەرگەن ءجۇرىپ ءوتتى. شارادان كەيىن ديماش جۇڭگو تەلەارنالارىنىڭ بىرىنە سۇحبات بەرىپ، ءشامشى قالداياقوۆتىڭ «ءانىم سەن ەدىڭ» انىنەن ءۇزىندى شىرقادى»، – دەپ جازادى Dimashnews.