ءانشى 2020 جىلى "اۆانگارد" ءفيلمىنىنىڭ Happy ساۋندترەگىن ورىنداعان.
ديماش قۇدايبەرگەن دجەكي چاننىڭ جاڭا ءفيلمىنىڭ ساۋندترەگىن ورىندادى، دەپ حابارلايدى Almaty-akshamy.kz
12 شىلدەدە دجەكي چاننىڭ كوپتەن كۇتكەن جاڭا "اڭىز" اتتى ءفيلمى پروكاتقا شىقتى.
«ءفيلمنىڭ سوڭىندا ديماش قۇدايبەرگەننىڭ ورىنداۋىنداعى This Love ("بۇل ماحاببات") ساۋندترەگى شىرقالادى. ترەك 5 شىلدەدە مۋزىكالىق پلاتفورمالارعا شىقتى»،-دەپ جازدى dimashnews.com سايتى.
دجەكي چاننىڭ ءوزى باستى ءرولدى سومداعان جاڭا ءفيلمنىڭ تاريحى ارحەولوگ دجەك تۋرالى جانە ونىڭ شاكىرتتەرىمەن بىرگە ارمان الەمى مەن شىندىق اراسىندا كوپىر قىزمەتىن اتقاراتىن ارتەفاكتتى قالاي تاپقانى تۋرالى باياندايدى. ارحەولوگ مۇزدىق قازبالارى كەزىندە تابىلعان جادىگەرلەردىڭ تەكستۋراسى تۇسىندە كورگەن نەفريت كۋلونىن ەسكە تۇسىرەتىنىن ايتادى.
"This Love" ءانىن دجەكي چانمەن ۇزاق جىلدار بويى جۇمىس ىستەگەن وسكاردىڭ مۋزىكالىق تورەشىسى، ماەسترو ناتان ۆانگ جازعان. جاڭا ءان ۆان مىرزا مەن ديماشتىڭ ءۇشىنشى بىرلەسكەن تۋىندىسى.