جەلىدە "ديكيي ارمان" لاقاپ اتىمەن بەلگىلى ارمان جۇماگەلدييەۆ "تۇرمەدەگى دۋشتا تامىرىن كەسپەك بولعانى" تۋرالى اقپارات پايدا بولدى، دەپ حابارلايدى aqshamnews.kz.
اتالعان اقپاراتقا قاتىستى ق ر ءىىم قىلمىستىق-اتقارۋ جۇيەسى كوميتەتى پىكىر ءبىلدىرىپ، جۇماگەلدييەۆتىڭ وزىنە جەڭىل جاراقاتتار سالعانىن راستادى.
"سوتتالعان ادام وزىنە جەڭىل دەنە جاراقاتىن كەلتىرگەن. دەرەۋ مەديسينالىق كومەك كورسەتىلدى. دەنساۋلىق جاعدايى قاناعاتتانارلىق. سوتتالعان اداممەن مەكەمەنىڭ پسيحولوگتارى پروفيلاكتيكالىق جۇمىستار جۇرگىزىپ جاتىر. وقيعاعا قاتىستى قىزمەتتىك تەرگەۋ تاعايىندالدى"، - دەپ جاۋاپ بەردى پورتال cاۋالىنا ءىىم قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى.
ەسكە سالايىق، 27 قاڭتاردا سوت ارمان جۇماگەلدييەۆكە 2022 جىلعى قاڭتار وقيعالارى بويىنشا ۇكىم شىعاردى.
سوت ۇكىمى بويىنشا، جۇماگەلدييەۆ ۇيىمداسقان قىلمىستىق توپ قۇرۋ جانە وعان باسشىلىق جاساۋ، بانديتيزم، جاپپاي تارتىپسىزدىكتەر ۇيىمداستىرۋ، ادام ۇرلاۋ جانە زاڭسىز بوستاندىعىنان ايىرۋ قىلمىستارى بويىنشا كىنالى دەپ تانىلىپ، 20 جىلعا باس بوستاندىعىنان ايىرىلدى.