Digital Bridge 2023 فورۋمىندا «ازاماتتارعا ارنالعان ۇكىمەت» مەملەكەتتىك كورپوراسياسى» كەاق باسقارما ءتوراعاسى قازاقستان رەسپۋبليكاسىنىڭ پرەزيدەنتى مەن شارا قوناقتارىن قۇجاتتاما تەرمينالىمەن تانىستىردى.
بىرەگەي جوبا ءقازىر استانا مەن الماتىدا جۇزەگە اسىرىلدى. تەرمينالدىڭ ارقاسىندا ازاماتتار ءتولقۇجات پەن جەكە كۋالىك الۋعا وزدەرى ءوتىنىش بەرە الادى. راسىمدەۋ بارىسىندا كليەنتتەر ەڭ ءساتتى فوتوسۋرەتتى تاڭداپ، مەملەكەتتىك باجدى سول جەردە تولەي الادى. ءوتىنىشتى تاپسىرۋ 5 مينۋتتان اسپايتىنداي ۋاقىتتى تالاپ ەتەدى، دەپ حابارلايدى Almaty-akshamy.kz
«جىل باسىنان بەرى 2 ميلليونعا جۋىق ازامات ءتولقۇجات پەن جەكە كۋالىك الدى. كوپتەگەن جىلدار بويى بۇل قىزمەت قازاقستانداعى ەڭ تانىمال قىزمەتتەردىڭ ءبىرى بولىپ تابىلادى. ازاماتتاردىڭ ونى تەز ءارى كەزەك كۇتپەستەن الۋى ءۇشىن مەملەكەتتىك كورپوراسيا ق ر ىىم-مەن بىرلەسىپ «قۇجاتتامالىق تەرمينال» جوباسىن جۇزەگە اسىردى. ءقازىر تەرمينالدار ورناتىلعان حالىققا قىزمەت كورسەتۋ ورتالىقتارىنا ازاماتتار وتىنىشتەردىڭ 25 پايىزدان استامىن ءوز بەتىنشە بەرەدى»، - دەدى مەملەكەتتىك كورپوراسيانىڭ باسقارما ءتوراعاسى سۇيەنىش ءابدىلدين.
بۇگىنگى كۇنى تەرمينالدار استانادا كەرەي، جانىبەك حاندار كوشەسى، 4 جانە الماتى قالاسىندا، ماركوۆا كوشەسى، 44 مەكەنجايلارى بويىنشا ورنالاسقان حالىققا قىزمەت كورسەتۋ ورتالىقتارىندا ورناتىلعان. جوبانى ماسشتابتاۋ اياسىندا استاناداعى بارلىق حالىققا قىزمەت كورسەتۋ ورتالىقتارىندا تەرمينالدار ورناتىلىپ، ولاردى ىسكە قوسۋ جۇمىستارى جۇرگىزىلۋدە. مەملەكەتتىك كورپوراسيانىڭ باسقارما ءتوراعاسىنىڭ ايتۋىنشا، الداعى ۋاقىتتا مۇنداي قۇرىلعىلاردى بۇكىل قازاقستان بويىنشا ورناتۋ جوسپارلانۋدا.
ايتا كەتەر بولساق، ەلوردادا 12-13 قازان ارالىعىندا جىل سايىنعى Digital Bridge 2023 حالىقارالىق IT فورۋمى وتۋدە. سونىمەن قاتار فورۋمدا «Qazaqstan Project Management Awards – 2023» جوبالاردى باسقارۋ ۇلتتىق بايقاۋىنىڭ قورىتىندىسى شىعارىلادى. مەملەكەتتىك كورپوراسيانىڭ ستراتەگيا جانە جوبالاردى باسقارۋ قىزمەتى «2023 جىلدىڭ ۇزدىك جوبالىق كەڭسەسى» نوميناسياسىندا ۇسىنىلعان. «مەملەكەتتىك باسقارۋ جۇيەسىن جەتىلدىرۋ بويىنشا ۇزدىك جوبا» ارنايى نوميناسياسىنا «eOtinish» -وتىنىشتەردى قابىلداۋدىڭ اۆتوماتتاندىرىلعان پلاتفورماسى» جوباسى ۇسىنىلدى. مەملەكەتتىك كورپوراسيانىڭ قاتىسۋشىلارى ساراپشىلارعا وزدەرىنىڭ پرەزەنتاسيالارى مەن بەينەباياندارىن ۇسىندى. ماراپاتتاۋ ءراسىمى 13 قازاندا كونگرەسس-ورتالىقتا وتەدى.