انتاركتيدا توڭىرەگىندەگى مۇزدىڭ 40%-تەن استامى ەرىپ، مۇحيتتارعا 7،5 ميلليون توننا سۋ قۇيعان.
اسىرەسە گەتس ماڭىندا 1،9 ترلن توننا مۇز سۋعا اينالعان.
زەرتتەۋشىلەر انتاركتيدانىڭ باتىسىنداعى تەڭىز تۇبىندەگى تەمپەراتۋرا شامامەن سەلسيي كورسەتكىشىمەن 2 گرادۋسقا تەڭ ەكەنىن ايتادى. بۇل جەر ءۇستى مۇزىن ەرىتۋ ءۇشىن جەتكىلىكتى. عالىمدار بۇل قۇبىلىستى جاھاندىق جىلىنۋمەن بايلانىستىرادى. سونداي-اق مۇحيتتار مەن تەڭىز دەڭگەيىنىڭ كۇرت كوتەرەلۋى عالامشارعا اسا ءقاۋىپتى دەيدى.
«بۇل كورسەتكىشتەر – 25 جىل بويى جۇرگىزىلگەن زەرتتەۋ قورىتىندىلارى. ەۋروپالىق عارىش اگەنتتىگىمەن بىرگە تەڭىزدەگى اۋا تەمپەراتۋراسىن باقىلايتىن كەستە جاسالدى. بۇل بىزگە مۇزدىقتاردىڭ ەرۋ جىلدامدىعى مەن مۇز بەتى قالىڭدىعىن انىقاۋعا مۇمكىندىك بەرەدى»، - دەيدى زەرتتەۋشى پەر دۋتريەر.