الماتى قالاسىندا 2024 جىلدىڭ 1-3 اقپان ارالىعىندا “Digital Almaty-2024”: "ح يندۋسترياسى - بولاشاقتىڭ سيفرلىق ەۆوليۋسياسى" اتتى سيفرلىق فورۋمى وتپەك.
سيفرلىق يندۋستريانىڭ جاڭا ءداۋىرىن قالىپتاستىرۋعا باعىتتالعان التىنشى فورۋم وي-تاجىريبە الماسۋ ءۇشىن شىۇ جانە ەاەو ەلدەرىنىڭ مەملەكەت قايراتكەرلەرىن، جەتەكشى ساراپشىلارى مەن كاسىپكەرلەرىن بىرىكتىرەدى. سونداي-اق فورۋم اياسىندا “Industry 4.0 Startup Battle” اتتى ۇزدىك ونەركاسىپتىك ستارتاپتى انىقتايتىن اۋقىمدى سايىس؛ IT-ەكوجۇيە سالاسىنداعى جوبالار تۋرالى تاجىريبە، اقپاراتتاردى بولىسەتىن، وتاندىق ءىرى جەر قويناۋىن پايدالانۋشىلاردىڭ، تەحنوپاركتەردىڭ، تەحنولوگيالىق كومپانيالاردىڭ كورمەسى جوسپارلانعان، دەپ حابارلايدى Almaty-akshamy.kz
بيىل “Digital Almaty” VI فورۋمى ونەركاسىپتەگى سيفرلىق ترانسفورماسيا، GovTech، 4.0 يندۋسترياسى، ESG، Smart City جانە باسقا دا سالالارداعى يننوۆاسيالىق شەشىمدەرءدى ۇسىناتىن اۋقىمدى ىسكەرلىك باعدارلامانى ۇسىنب ا ق. پانەلدىك پىكىرتالاستار شەڭبەرىندە حالىقارالىق ساراپشىلار، سالا كوشباسشىلارى، IT جانە بيزنەس سالاسىنداعى جەتەكشى يننوۆاتورلار قاتارىنان 200-دەن اسا سپيكەر قاتىسادى. ەكونوميكا مەن يننوۆاسيا سەكتورلارىندا جاڭا تەحنولوگيالاردى قولدانۋ جايىندا تابىستى كەيستەرىن سىزدەرمەن بولىسەدى. ءۇش كۇندىك سيفرلىق ءىس-شاراعا 30 مىڭنان استام ادام قاتىسپاق.
“Digital Almaty” حالىقارالىق فورۋمى جىل سايىن الەمنىڭ 15 ەلىنەن جەتەكشى ساراپشىلاردى جينايدى. بيىل ءبىز سيفرلىق يندۋستريا تاقىرىبىن تالقىلايمىز. ەلىمىزدە جالپى ىشكى ءونىم وندىرىسىندەگى نەگىزگى ۇلەستى ونەركاسىپ قۇرايدى. جاڭا جىلدا ەكونوميكالىق سالاداعى بيزنەس-پروسەستەردى جاقسارتۋعا كومەكتەسەتىن جاڭا سيفرلىق شەشىمدەر قاجەت. فورۋم الاڭى وسى سالاداعى نەگىزگى ترەندتەردى، جوبالاردى جانە تەحنولوگيالاردى تانىستىرۋ جانە تالقىلاۋ ءۇشىن زور مۇمكىندىك بەرەدى»، - دەدى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين.
الەمدىك ساراپشىلار مويىنداعان Digital Almaty شاراسى بىلتىر سيفرلىق تاۋ-كەن، مەملەكەت باسقارۋىن، كريپتوبيرجا، كيبەرقاۋىپسىزدىك، ءبىلىم بەرۋ جانە كورپوراتيۆتى يننوۆاسيالاردى تالقىلاۋدا 150-دەن استام سپيكەردى جينادى. سونىمەن قاتار، فورۋم مەكتەپ وقۋشىلارىنا ارنالعان “Digital Ministry Cup” اتتى روبوتوتەحنيكا جانە ينجەنەرلىك جوبالار بويىنشا العاشقى حالىقارالىق چەمپيوناتىن وتكىزدى. قازاقستان، رەسەي جانە ءازىربايجاننان ءتورت نوميناسيا بويىنشا جەڭىمپازدار انىقتالدى. بىلتىر فورۋم الاڭىندا العاش رەت “Tech Garden Awards” ماراپاتتاۋ ءراسىمى ءوتىپ، 2022 جىلدىڭ قورىتىندىسى بويىنشا، ءوندىرىس جۇمىستارىنا يننوۆاسيالىق جوبالاردى ەنگىزگەنى ءۇشىن ونەركاسىپ ورىندارى مەن يندۋستريالىق كاسىپورىندار ماراپاتتالدى.
فورۋمنىڭ پلەنارلىق وتىرىسىنا ەاەو ەلدەرىنىڭ ۇكىمەت باسشىلارى قاتىستى. سپيكەرلەر سيفرلىق ينفراقۇرىلىمنىڭ تۇراقتى دامۋى مەن تەلەكوممۋنيكاسياداعى جاڭا تەحنولوگيالاردى تالقىلادى. “Digital Almaty” ەاەو ەلدەرىنىڭ سيفرلىق كۇن ءتارتىبىن تالقىلايتىن پلاتفورما مەن ۇزدىكسىز ۇردىسكە اينالدى. بيىل ول "ح يندۋسترياسى" – بولاشاقتىڭ سيفرلىق ەۆوليۋسياسىنا نازار اۋدارتا جاڭا باعىتتى قامتىپ جاتىر.
ەسكە سالا كەتەيىك، Digital Almaty ۇيىمداستىرۋشىلارى: قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، قازاقستان رەسپۋبليكاسىنىڭ سىرتقى ىستەر مينيسترلىگى، الماتى قالاسىنىڭ اكىمدىگى جانە "يننوۆاسيالىق تەحنولوگيالار پاركى" دەربەس كلاستەرلىك قورى (Tech Garden).
تولىق اقپارات الۋ جانە تىركەلۋ ءۇشىن DigitalAlmaty.kz رەسمي سايتىن باقىلاپ، جاڭالىقتاردى قاراي وتىرىڭىز.