الماتىدا قازبسقا جانە «الماتىباسجوسپار» عزي كومەگىمەن الماتى قالاسىن دامىتۋ ورتالىعى ۇيىمداستىرعان DESIGN REVIEW 2024 بايقاۋى اياقتالدى. قورىتىندى جانە ماراپاتتاۋ ءراسىمى سالتاناتتى جاعدايدا ءوتىپ، قاتىسۋشىلار كەڭەستىك جانە پوستكەڭەستىك داۋىردەگى كوپقاباتتى ۇيلەردى جاڭارتۋ بويىنشا جوبالارىن ۇسىندى.
بايقاۋ 16 كوماندا ءۇشىن بىرەگەي الاڭ بولدى، ونىڭ ىشىندە جەرگىلىكتى جانە شەتەلدىك جوعارى وقۋ ورىندارىنىڭ ساۋلەت جانە ديزاين ماماندىقتارى بويىنشا وقيتىن 49 ستۋدەنت بار. باستاپقىدا 65 كوماندا تىركەلگەنىمەن، 16 كوماندا فينالعا شىقتى. قاراشا ايىندا قاتىسۋشىلار ليفتتەرى جوق عيماراتتاردا ينكليۋزيۆتى ورتانى قۇرۋعا باعىتتالعان جوبالاردى ازىرلەۋ ءۇشىن ساراپشىلارمەن شەبەرلىك ساباقتارى مەن كەڭەستەرگە قاتىستى.
قاتىسۋشىلاردىڭ قورىتىندى جۇمىستارىن «الماتى قالاسىن دامىتۋ ورتالىعى» اق، «الماتىباسجوسپار» عزي، قازبسقا وكىلدەرىنەن، سونداي-اق شاقىرىلعان ساۋلەتشىلەر مەن ۋربانيستەردەن تۇراتىن قازىلار القاسى باعالادى. باعالاۋدىڭ نەگىزگى ولشەمشارتتارى:
تاڭدالعان نىساندى نەگىزدەۋ جانە تالداۋ؛
كولەمدىك-جوسپارلاۋ شەشىمدەرى؛
سىزبالار، ۆيزۋاليزاسيا جانە ۇسىنۋ كرەاتيۆتىلىگى؛
شەشىمدەردىڭ پراكتيكالىق قولدانىلۋى جانە ينكليۋزيۆتىلىگى.
پرەزەنتاسيا ناتيجەلەرى بويىنشا قازىلار القاسى جەڭىمپازداردى انىقتادى:
1-ورىن – «ەسكى ۇيدەگى جاڭا ءومىر» جوباسى. حالىقارالىق ءبىلىم بەرۋ كورپوراسياسىنىڭ (حببك) V كۋرسى: مۇرات ايكوركەم عالىم قىزى، بالي دانيا مارات قىزى، يلياشيەۆا ايانا جايلىباي قىزى، ايتجانوۆا ىڭكار دارحان قىزى.
2-ورىن – «قولجەتىمدى ءۇي – جايلى ءومىر» جوباسى. حببك III كۋرس: دەرەلي گۋلباحار، دانابەكوۆا شۋگىلا باكىتكىزى، دەرەلي فاتيما نۋر، شاليمبەتوۆا جانەل جاناربەكوۆنا.
3-ورىن – «ەتنومادەني مۇرا نەگىزىندە قولجەتىمدى ارحيتەكتۋرالىق ورتا قۇرۋ» جوباسى. حببك IV كۋرس: سلونيمەس ديانا ميحايلوۆنا، تۋنگىشپايەۆا اكنيەت مۋسليمكىزى.
بايقاۋ قاتىسۋشىلارعا الماتى قالاسىنىڭ قالالىق ورتاسىن وزگەرتۋگە ۇلەس قوسۋ مۇمكىندىگىن بەرە وتىرىپ، تۇراقتى دامۋ جانە ينكليۋزيۆتىلىك قاعيداتتارىن جۇزەگە اسىرۋداعى ماڭىزدى قادام بولدى. ۇزدىك جۇمىستار قالالىق ساۋلەت سالاسىنداعى قۇزىرلى ورگاندارعا ۇسىنىلادى.
DESIGN REVIEW 2024: كاك زاۆەرش