دەسانتتىق بولىمشەلەر ورىندايتىن تاپسىرمالاردىڭ ءبىرى - «اۋەدەن – ۇرىسقا» قاعيداتىمەن ارەكەت ەتۋ ولاردان ۇزدىك دايىندىقتى تالاپ ەتەدى.
بولىمشەلەردى دايارلاۋ بارىسىندا دەسانتتىق-شابۋىلداۋ اسكەرلەرىندە قىسقى كەزەڭدە جەكە قۇرامدى بولىمشەلەر قۇرامىنداعى ۇيلەسىمدى ءىس-قيمىلدارعا ۇيرەتۋ ماشىقتارى ۇيىمداستىرىلدى. قارۋلى كۇرەستىڭ زاماناۋي قۇرالدارىنا قارسى تۇرۋعا ەرەكشە نازار اۋدارىلدى، دەپ حابارلايدى Almaty-akshamy.kz.
دەسانتشىلار قورعانىس پەن شابۋىلدا تاكتيكالىق تاسىلدەردى پىسىقتاپ، اتىس قارۋىنان، جاۋىنگەرلىك ماشينالاردان ءتۇرلى قاشىقتىقتاعى نىسانالارعا وق اتادى، ماماندىق بويىنشا دايارلاۋ بارىسىندا العان ماشىعىن ءىس جۇزىندە كورسەتەدى. كومانديرلەر سەنىپ تاپسىرىلعان بولىمشەلەرگە باسشىلىق جاساۋدى ۇيرەنەدى.
دەسانتتىق بولىمشەلەر ورىندايتىن تاپسىرمالاردىڭ ءبىرى - «اۋەدەن – ۇرىسقا» قاعيداتىمەن ارەكەت ەتۋ ولاردان ۇزدىك دايىندىقتى تالاپ ەتەدى. سول سەبەپتى تاجىريبەلى نۇسقاۋشىلار وقۋ-جاتتىعۋ نۇكتەلەرىندە دەسانت ءتۇسىرۋ مەن جابدىقتاردى بۇركەمەلەۋ، پوزيسيالاردى ينجەنەرلىك جابدىقتاۋ، باعداردى بارلاۋ، نىسانانى كورسەتۋ جانە وق اتۋدى باسقارۋ كەزىندەگى ۇيرەنۋشىلەردىڭ ىس-ارەكەتتەرىن باسقارادى.
قازىرگى زامانعى قارۋلى قاقتىعىستارعا جۇرگىزىلگەن تالداۋعا سۇيەنە وتىرىپ، بولىمشەلەردى دايىنداۋ كەزىندە جاۋىنگەرلىك ءىس-قيمىلدىڭ جاڭا تۇرلەرى مەن ادىستەرى رەتىندە ۇشقىشسىز باسقارىلاتىن قۇرىلعىلارىنا قارسى ءىس-قيمىل قولدانىلۋدا.
– قازىرگى تاجىريبە كورسەتكەندەي، بۇگىندە قاراما-قارسى تاراپتار ۇشقىشسىز باسقارىلاتىن اپپاراتتاردى بەلسەندى قولدانىپ ءجۇر. ولارمەن كۇرەسۋ ارنايى ءبىلىمدى، شەبەرلىك پەن ماشىقتى قاجەت ەتەدى. بۇل ماسەلەلەردى ساباق بارىسىندا پىسىقتاپ جاتىرمىز، – دەپ اتاپ ءوتتى دەسانتتىق-شابۋىلداۋ اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك ماقسۇت گۋسەينوۆ.
بولىمشەلەردى ۇيلەستىرۋ جاۋىنگەرلىك اتىسپەن قورىتىندىلانىپ، تەحنيكا مەن قارۋ-جاراقتى دايىنداۋ، جەكە قۇرامنىڭ تاكتيكالىق ءىس-قيمىلى، سونداي-اق بولىمشەنىڭ اتىستى شەبەر جۇرگىزۋى باعالاناتىن بولادى.