دەرماتولوگ تىرناقتىڭ كۇيى قانداي اۋرۋلاردان بەلگى بەرەتىنىن ايتتى

دەنساۋلىقتاعى سىرقاتتار جايلى ءتىپتى تىرناقتىڭ پىشىنىنە قاراپ بىلۋگە بولادى

دەرماتولوگ ولگا اندريانوۆا پاسيەنتتەردى تىرناقتاردىڭ سىرتقى تۇرىنە ادەمىلىك تۇرعىسىنان ەمەس، دەننىڭ ساۋلىعى تۇرعىسىنان قاراۋعا شاقىردى. دارىگەردىڭ ايتۋىنشا، اياقتىڭ تىرناقتارىنداعى ەش زيانى جوق بولىپ كورىنەتىن اق داقتاردىڭ ءوزى كۇردەلى اۋرۋلاردان بەلگى بەرۋى مۇمكىن، دەپ حابارلايدى Almaty-akshamy.kz ءتىلشىسى Ren.tv-عا سىلتەمە جاساپ.

اندريانوۆانىڭ ايتۋىنشا، جاراقات العاننان كەيىن تىرناقتا اق داق پايدا بولعان جاعدايدا، جۇيكە جانە جۇرەك-قان تامىرلارى جۇيەسىن تەكسەرۋ كەرەك. ەگەر تىرناقتاردا ويىقتار بولسا، بۇل ميوكارد ينفاركتى جانە ريەۆماتيزم بولۋى مۇمكىن ەكەندىگىن بىلدىرەدى. 

دەنساۋلىقتىڭ سىر بەرە باستاعانىن تىرناقتاڭ پىشىنىنە قاراپ تا باقىلاۋعا بولادى. 

 «كويلونيحيا - تىرناق شەتىنىڭ قوپارىلۋىنان ونىڭ فورماسىنىڭ قاسىق ءتارىزدى پىشىنگە وزگەرىسكە ۇشىراۋى. مۇنداي بەلگى اعزادا فەرريتيننىڭ جەتىسپەۋشىلىگىن، سونىمەن بىرگە، انەميانىڭ بار ەكەنىن ءبىلدىرۋى مۇمكىن. سونىمەنقاتار، بۇل اس قورىتۋ جولدارىنىڭ جالپاق جاسۋشالى وبىر اۋرۋىنىڭ ماڭىزدى دياگنوستيكالىق بەلگىلەرىنىڭ ءبىرى بولىپ تابىلادى»، - دەيدى دارىگەر. 

بۇعان دەيىن دارىگەرلەر وبىر اۋرۋىنىڭ ەرەكشە بەلگىلەرىن اتاعان بولاتىن. 

ياعني، ەگەر ادامنىڭ اسقازانى تااقتى دۇرىس قورىتۋدى توقتاتىپ، ىسىنسە، وندا ول ادامعا ىقىلىق ءتيۋى مۇمكىن. ال اسقازانداعى مۇنداي وزگەرىستەر كوبىنەسە راك اۋرۋىمەن بايلانىستى.