بۇل تۋرالى پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«اقپاراتتىق تەحنولوگيا دامىعان قازىرگى زاماندا حالىق ءبارىن ءجىتى باقىلاپ وتىر. وسى رەتتە، دەپۋتاتتاردىڭ ەل الدىنداعى جاۋاپكەرشىلىگى ارتقانىن اتاپ وتكەن ءجون. سوندىقتان، وسى عيماراتتا وتىرعان دەپۋتاتتار 5 جىل بويى سانالى، پاراساتتى تۇردە بەلسەندى جۇمىس ىستەيدى دەپ سەنەمىن. سەبەبى، ەل مۇددەسى ءۇشىن قىزمەت ەتۋ قاجەت. بۇل – «مەملەكەتتىك بيلىكتىڭ بىردەن-بىر باستاۋى – حالىق» دەگەن قاعيدانىڭ تاعى ءبىر كورىنىسى»، - دەدى قاسىم-جومارت توقايەۆ.
پرەزيدەنت سايلاۋ ناۋقانىنا وتە كوپ ادام قاتىسقانىن اتاپ ءوتتى.
«بۇل – قالىپتى ءۇردىس. ولاردىڭ اراسىندا ماقساتى، ۇستانىمى ءارتۇرلى جاندار بار. ءقازىر ەلدىڭ كوزى اشىق، كوكىرەگى وياۋ، ساياسي ساۋاتى جوعارى. كەز كەلگەن سايلاۋدا جەڭىسكە جەتۋ ءۇشىن جىلدار بويى قاجىرلى ەڭبەك ەتۋ قاجەت. حالىقتىڭ جانە تاريحتىڭ الدىنداعى جاۋاپكەرشىلىكتى سەزىنۋ كەرەك. ءبىر سوزبەن ايتساق، ۇزاق مەرزىمدى، جۇيەلى ستراتەگيانىڭ ارقاسىندا عانا جەڭىسكە جەتۋگە بولادى. قاجەتتى داۋىس جيناي الماعان ۇمىتكەرلەر ءۇشىن دە بۇل – ۇلكەن تاجىريبە جانە جاڭا مۇمكىندىك. بارشاڭىزدى قازاقستان مۇددەسى ءۇشىن جۇمىلىپ جۇمىس ىستەۋگە شاقىرامىن»، - دەدى مەملەكەت باسشىسى.