ءماجىلىس دەپۋتاتتارى الەۋمەتتىك جەلى مەن اقپاراتتىق كەڭىستىكتە لگبت تاقىرىبىنداعى ناسيحاتقا تىيىم سالۋ تۋرالى باستامانى قايتا كوتەردى، دەپ حابارلايدى Aqsham.news.
ۇسىنىس مۇراعات ءىسى ماسەلەلەرىنە ارنالعان زاڭ جوباسىنا ەنگىزىلمەك. دەپۋتات ناتاليا دەمەنتيەۆانىڭ ايتۋىنشا، تۇزەتۋ ءداستۇرلى ەمەس جىنىستىق قاتىناستاردى جارنامالاۋ مەن ناسيحاتتاۋعا شەكتەۋ قويۋدى كوزدەيدى.
“بۇل وزگەرىس الەۋمەتتىك جەلىلەرمەن قاتار، فيلمدەر مەن جارنامالارعا دا قاتىستى. بالالار مۇنداي مازمۇنداعى كونتەنتتى اشىق كورمەۋى ءتيىس”، – دەدى دەپۋتات.
ونىڭ ايتۋىنشا، قازىرگى تاڭدا الەۋمەتتىك جەلىلەردە لگبت قاتىناستارىن “قالىپتى قۇبىلىس” رەتىندە كورسەتەتىن بەينەماتەريالدار مەن جازبالار ءجيى كەزدەسەدى.
“ءقازىر توقتاتپاساق، باتىستاعىداي جاعدايعا جەتۋىمىز مۇمكىن. وندا بالا تۋعان كەزدە جىنىسى كورسەتىلمەي، كەيىن ءوزى تاڭدايدى”، – دەدى دەمەنتيەۆا.
جۇمىس توبىنىڭ وتىرىسىنا قاتىسقان وننان استام دەپۋتات باستامانى ءبىراۋىزدان قولداپ، وزدەرىن تۇزەتۋ اۆتورلارى قاتارىنا قوسۋدى سۇراعان. ولاردىڭ قاتارىندا رينات زايىت، ەدىل جاڭبىرشين، ارداق نازاروۆ بار.
ايتا كەتەيىك، بۇعان دەيىن دە ءماجىلىس دەپۋتاتتارى “ب ا ق تۋرالى” زاڭ جوباسىنا لگبت ناسيحاتىنا تىيىم سالاتىن تۇزەتۋ ەنگىزۋدى ۇسىنعان ەدى. كەيىن ولار بۇل ارەكەتتەرگە قىلمىستىق جاۋاپكەرشىلىك ەنگىزۋدى دە كوتەرگەن بولاتىن. الايدا ءساۋىر ايىندا قابىلدانعان زاڭنىڭ سوڭعى نۇسقاسىنا بۇل تۇزەتۋلەر ەنبەي قالعان.
مادەنيەت جانە اقپارات ۆيسە-مينيسترى قانات ىسقاقوۆتىڭ ايتۋىنشا، دەپۋتاتتاردىڭ ۇسىنىستارى زاڭنىڭ تۇپكى ماتىنىندە قاراستىرىلماعان.