ءماجىلىس دەپۋتاتى بۇل تۋرالى Facebook-پاراقشاسىندا جازعان.
اسحات ايماعامبەتوۆ جازباسىندا وستەوپوروز جايدى ءسوز قوزعاعان، دەپ حابارلايدى aqshamnews.kz.
"وستەوپوروز – تىم كەش ەسكە الاتىن دەرت. كۇندەلىكتى اڭگىمەدە دە بۇل تاقىرىپ كوپ قوزعالمايدى. ءبىراق شىن مانىندە بۇل اۋرۋ 50 جاستان اسقان ميلليونداعان ايەلدىڭ ومىرىنە كەرى اسەر ەتىپ وتىر. وستەوپوروز – جاي عانا سۇيەكتىڭ السىزدىگى ەمەس. ول اياق-قولدىڭ سىنۋى، وپەراسيالار، ۇزاق وڭالتۋ كەزەڭى. كەيدە ادام ءتىپتى ءجۇرىپ-تۇرۋ مۇمكىندىگىن جوعالتىپ، وزگە بىرەۋدىڭ كومەگىنە تاۋەلدى بولىپ قالادى. ددسۇ دەرەكتەرى بويىنشا، 50 جاستان اسقان ءاربىر ءۇشىنشى ايەلدىڭ سۇيەگى وستەوپوروز سالدارىنان سىنادى"، – دەدى ايماعامبەتوۆ.
The Guardian باسىلىمى ۇلىبريتانيادا ءاربىر ەكىنشى ايەل وسى دەرتتىڭ سالدارىمەن بەتپە-بەت كەلەتىنىن جازادى.
جاپونيا، كورەيا، فرانسيا، شۆەسيا سەكىلدى ەلدەردە بۇل ماسەلە الدەقاشان ەسكەرىلگەن. ياعني، وستەوپوروزعا سكرينينگ ۇلتتىق دەنساۋلىق ساقتاۋ باعدارلاماسىنا كىرگىزىپ قويعان.
"ال قازاقستاندا، وكىنىشكە قاراي، بۇل تاقىرىپ ءالى دە نازاردان تىس قالىپ وتىر. سوندىقتان ءبىز دەنساۋلىق ساقتاۋ مينيسترلىگىنە ارنايى ۇسىنىس جولدادىق: 50 جاستان اسقان ايەلدەرگە وستەوپوروزعا سكرينينگ ەنگىزۋ كەرەك دەپ. بۇل جاي قاعاز جۇزىندەگى شەشىم ەمەس. بۇل دەگەنىمىز انالارىمىزدىڭ، اجەلەرىمىزدىڭ، مۇعالىمدەر مەن دارىگەرلەردىڭ – ءومىرىن وزگەگە ارناعان ايەلدەردىڭ دەنساۋلىعى تۋرالى"، – دەپ جازدى ول.
دەپۋتات بۇل سكرينينگتى ۇلتتىق سكرينينگ تىزىمىنە ەنگىزۋ ءۇشىن جۇمىس جۇرگىزىپ جاتىرعانىن جەتكىزدى. ول دەنساۋلىق ساقتاۋ مينيسترلىگى بۇل ۇسىنىستى قولدايدى دەپ ۇمىتتەنەتىنىن مالىمدەدى.