ۆەدومستۆو ءبىرقاتار قاۋىپسىزدىك ەرەجەلەرىن جاريالادى.
دەنساۋلىق ساقتاۋ مينيسترلىگى سۋ تاسقىنىنا بايلانىستى تۇرعىندارعا ەسكەرتۋ جاسادى، دەپ حابارلايدى Almaty-akshamy.kz
مينيسترلىك تاعامنان ۋلانۋ مەن جۇقپالى اۋرۋلاردىڭ الدىن الۋ ماقساتىندا حالىققا ءبىرقاتار قاۋىپسىزدىك ەرەجەلەرىن جاريالادى:
ءىشۋ جانە تاماق ءپىسىرۋ ءۇشىن تەك بوتەلكەدەگى نەمەسە قايناعان سۋدى پايدالانىڭىز؛ سۋ باسۋ ورىندارىندا بۇلاقتاردان، قۇدىقتاردان جانە ۇڭعىمالاردان سۋ ىشپەڭىز؛ سۋ تاسقىنىنا مالىنعان تاماق ونىمدەرىن پايدالانباڭىز، مۇمكىندىگىنشە ولاردى كەمىرگىشتەر مەن سۋ تاسقىنى جەتپەيتىن جەرلەردە ساقتاڭىز؛ تاماق ىشەر الدىندا، دارەتحانادان، سەرۋەندەگەننەن، تاماق دايىنداعاننان كەيىن قولىڭىزدى سابىنمەن جۋىڭىز؛ سۋ تاسقىنىنان كەيىن بارلىق بولمەنى دەزينفەكسيالىق ەرىتىندىلەرمەن وڭدەڭىز؛ ەگەر جۇقپالى اۋرۋلاردىڭ بەلگىلەرى بولسا (دەنە تەمپەراتۋراسىنىڭ جوعارىلاۋى، جۇرەك اينۋ، قۇسۋ، ءناجىستىڭ بوساۋى، تاماق اۋرۋى، بورتپە جانە ت.ب.)، دەرەۋ مەديسينا قىزمەتكەرىنە حابارلاۋ قاجەت.