سەبەبى ەل ىشىندە قىزىلشا اۋرۋى اسقىنىپ بارادى.
دەنساۋلىق ساقتاۋ مينيسترلىگى قازىرگى ەپيدەميولوگيالىق احۋالعا الاڭداپ وتىر. جىل باسىنان بەرى قىزىلشا جۇقتىردى دەگەن كۇدىكپەن ون ءبىر وبلىستا ەلۋ التى ناۋقاس تىركەلگەن، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
ونىڭ جيىرماسى راستالىپتى. ءقازىر جەتى وڭىردە وسى دەرتپەن اۋىرعاندار بار. قالعانى ءالى تەكسەرىلىپ جاتىر.
«الماتى قالاسىندا جەتى جاعداي، جەتىسۋ وبلىسىندا بەس جاعداي، قاراعاندى وبلىسىندا ءۇش جاعداي جانە استانا، تۇركىستان، اتىراۋ، اقتوبە وبلىستارىندا ءبىر-بىر جاعداي تىركەلدى قازىرگى كەزدە. ول وتە جۇقپالى اۋرۋ. ەكپەدەن وتپەگەن ادامدار قىزىلشامەن اۋىرعان ناۋقاستارمەن قارىم-قاتىناستا بولسا، ءجۇز پايىز قىزىلشامەن اۋىرادى»، - دەدى ق ر دەنساۋلىق ساقتاۋ ۆيسە-مينيسترى ايجان ەسماعامبەتوۆا.