ۆەدومستۆو باسشىسى الدىمەن دەنساۋلىق ساقتاۋ سالاسىنىڭ ماڭىزدى جەتىستىكتەرىنە توقتالدى.
بۇل رەتتە ول قازاقستاندىقتاردىڭ ورتاشا ءومىر ءسۇرۋ ۇزاقتىعى ارتقانىن اتاپ ءوتتى. تاريحتا العاش رەت بۇل كورسەتكىش 74،4 جاستى قۇرادى، دەپ حابارلايدى Almaty-akshamy.kz.
«مەملەكەت باسشىسىنىڭ قولداۋىمەن ۇلتتىق جوبا ىسكە اسىرىلۋدا، 600-دەن استام مەديسينالىق نىسان سالىنۋدا، كادرلار دايارلانۋدا جانە زاماناۋي تەحنولوگيالار ەنگىزىلىپ جاتىر. بۇل، ارينە، اۋىلدى دامىتۋعا جانە جانداندىرۋعا زور ۇلەس قوساتىنى ءسوزسىز»، - دەدى اجار عينيات.
مينيستر اۋىلداعى مەديسينا قىزمەتكەرلەرىنىڭ ۇلكەن ەڭبەگىن ەرەكشە اتاپ ءوتتى، سونداي-اق امبۋلاتوريالىق-ەمحانالىق جۇيەدەگى ارىپتەستەردىڭ ماڭىزدى ءرولىن اتاپ ءوتتى. ولاردىڭ كۇندەلىكتى قاجىرلى ەڭبەگىنىڭ ارقاسىندا حالىق دارى-دارمەكپەن قامتاماسىز ەتىلەدى، پروفيلاكتيكالىق تەكسەرۋلەر جۇرگىزىلەدى، پاسيەنتتەر ودان ءارى ەمدەۋ ءۇشىن قاجەتتى كونسۋلتاسيالار مەن قولداۋ الادى.
ا. عينيات مىڭداعان بالا مەن انانىڭ ءومىرىن ساقتاپ قالعان انا مەن بالا دەنساۋلىعىن ساقتاۋ قىزمەتىنىڭ جۇمىسىنا جوعارى باعا بەردى.
«بۇگىن ءبىز، قۇرمەتتى ارىپتەستەر، مەملەكەت باسشىسىنىڭ ماقساتتارىن ىسكە اسىرۋعا جانە ازاماتتارىمىزدىڭ ءومىرى جاقسى، ساپالى جانە ۇزاق بولۋى ءۇشىن تىكەلەي جاۋاپتىمىز.
دارىگەر نەمەسە دەنساۋلىق ساقتاۋ مامانى بولۋ – ماقتانىش پەن ابىروي! حالقىمىزدىڭ، ەلىمىزدىڭ ماقتانىشى بولايىق!
حالىقتىڭ دەنساۋلىعىن ساقتاۋعا قوسقان باعا جەتپەس ۇلەسى ءۇشىن بارلىق مەديسينا قىزمەتكەرلەرى مەن سالا ارداگەرلەرىنە شىن جۇرەكتەن العىس بىلدىرەمىن»، - دەدى دسم باسشىسى.